منتدى استراحات زايد

بديت الشعر وبالمنطـوق قلتـه
واسمّـع بـه امـام السامعينـا

سلامي لكم وبالاحسـان خذتـه
بورد وفـل وريـح الياسمينـا

دروب الخير في عمري سلكتـه
وكفانـا الله شــر المبتليـنـا

انا المسلم كتابـي قـد درسته
وهديي فـي البشرمحمـد نبينـا

وخويي ان بغيت ف يوم شرتـه
انـا ويـاه ف الدنيـا اجمعينـا

صديـقٍ وافـيٍ ذا اليـوم نلتـه
ولا عشـره اذا مـن الظالمينـا

شهم وافي وضرغـامٍ بصرتـه
يلبّي لك فـي اوقـات المحينـا

اشاكي واشتكـي هـمٍّ وصفتـه
ولو زلّه وهو غصـبٍ علينـا

ضميت ومن السراب اربع شربته
ضماي كنه ضما صحرا سينـا

ابكتب وعاجز الحرف ان كتبتـه
وكم حـرفٍ خطانـا وناسيينـا

واذا شفت اللئيـم ادري عرفتـه
نذل مسود وجهـه مـن الجبينـا

يحب الشر يقول للخيـر عفتـه
يخرّب عقـل اذا عقـلٍ رزينـا

دواه بسيف في عنقـه ضربتـه
وفـي نـارٍ جهنـم هالكيـنـا

فيا مسلم ابا نصح من نصحتـه
وابا تختـار مـن بيـن الثنينـا

ابا تختار شخصٍ بـك رفعتـه
وبيـن اللـي يـردك سافليـنـا

وانت اللي مخير مـن صحبتـه
وانـا اختـرت والله المعيـنـا