أستطلاع: أفضل طريقه لأصلاح الشاهي الكايف............... /
 

بسم الله الرحمن الرحيم


السلام عليكم ورحمة الله وبركاته


بعد ما سويت أستطلاع عن أفضل أنواع الشاهي ولقيت تفاعل يبيض الوجه
وجا في المرتبه الأولى شاهي أبو جبل

ألحين ودنا نعرف أفضل طريقه لتصليح الشاهي ولا بأس من ذكر البريق المفضل

وكل هذا للوصول لبيالة شاهي كااايفه
نبي تفاعلكم يالربع
وأبدأ انا بطريقتي
أغلي المويه وأحط السكر ولا أكثر لأنه يروح طعم وكيف الشاهي بعدين أذا غلا وذاب السكر رفعته عن النار ألين يهدى شوي بعدين أحط الشاهي طبعا يصير مغسول بمويه حاره ومصفى منها في المره وأضيف مويه حاره مره ثانيه وأكبه في البريق بمويته وأخليه شوي على النار بعدين أخليه يركد ثم أصقع البياله .

ملاحظه ياليت الطرق الي تحطونها مجربه للتوصل للطريقه الكايفه.