|
قصة المصري والاردني والمثل المشهور عند بني اسرئيل لايسى بعد الكفر ذنب السلام عليكم ورحمة الله وبركاته اخباركم يا لوجيه المطاليق عساكم يخير حتى تفهم القصه عليك تقراء المقدمه با الون الازرق لكي تتضح لك القصه كامله كفيل المصري عطيه كان ابوه جار لجدي الله يرحمهم جميع توفي ابو كفيل المصري هو وزوجته بمرض الجدري وتركو ثلاث اولاد اصغرهم كفيل عطيه كان عمره اقل من سنه هذ الكلام قبل حوالي تقريباً 70سنه كانو الناس بجوع لايعلم به غير الله اخذ جدي الطفل وباقي اخوانه كل واحد حطوه عند بيت يكفله الطفل الصغير عينو له حرمه تنقله بين المرضعات في النهار واليل وكانت التي تنقله هي ((الوالده امي كانت متزوجه ابوي وعمرها 8سنوات امي متوفي ابوها وتزوجه ابوي لغرض الاكل لايجدون اهلها مايأكلون ))تقول امي احيان انام عند المرضعه وهي ترضع الطفل ولااصحى غير الصباح المرضعه تتركني وتنوم الرضيع حتى اصحاء واذهب به الى جدك وعلى ها الحال حتى كبرو الاولاد وصارو رجال اشدا هم من قبيله ثانيه لايقربون لان ولابيننى حتى نسب الله ام بس الجيره الاحترام بيننى وبينهم فوق ماتتصورون ولان لكم القصه بعد كم سنه وبعد ماتوفي جدي استقرينا في الديره وصار عندنى مركز اماره لان جدي شيخ ربعه وصار عندنا مدرسه وجامع ووصلناء الزفلت وقف على اخر الديره وكان عندناء سوق عالمي للحلال يوم الخميس والناس صارو يسكنون عندنا وكبرت الديره حتى صارة فيه خدمات مثل بقاله وورشه ومستوصف اعيال جار جدي كبرو وصار لهم ديره تبعد عنى حوالي 30ك وصار لهم مركز اماره ومستوصف ومدرسه وجامع وتجمع عندهم ربعهم وستقرو هناك تخبرون اول المدرسين والمدرسات عرب من مصر والاردن وفلسطين عينو عندنا مديرة مدرسه فلسطينيه وزوجها اردني اسمه عبد الرحمن وسكنو عندنا مايقرب حوالي 8سنوات ها الاردني رجل نشمي يعزم ويذبح وووووكل عالم غانم موجود في للحيته ولان دور المصري عطيه المصري كفيله اصغر اعيال جار جدي الي عاش على رزق الله ثم المرضعات ثم كفلات جدي جاب المصري مزارعي طبعن هو ماهو صعيدي وفشل عنده وكان بيسفره قال المصري لاتقطع رزقي خلني اترزق الله قال اجل رح يم ديرة الشيخ فلان يقصد عمي عنده مدارس وعندهم سوق للحلال وشتغل والله يرزقك جنى المصري كان عمري انا حوالي 15سنه تقريباً فتح المصري بقاله وقال انا كفيلي فلانرحبو به وقلو عزيز من عزيز صار المصري عنده حصانه لاتوجد عند غيره من الناس في الديره المصري ماشي الشغل معه بس قام يلعب اول مابع الدخان في البقاله ونهوه الشيبان ياعطيه لاتخرب اعيلاناولافايده تغبرون الشيبان ماعنده تفاهم تركو البقاله ووصو اعيالهم عنه خرس في البقاله وجلس يلعب بذيله نحن يصير عندنا في اغلب الاوقات عشى عند الامير الي هو عمي باتل العشى لناس وزوار من جميع القبايل من ضمن العادات عند العرب لقلطو على الذبيحه" لو يقوم واحد بسرعه على طول يقوم الضيف المصري يجي لابس بشت وعقال مميله على جنب ويتحيى با الضيوف اول مايقلطون ويأخذ الضيف من 4الى5لقمات المصري يقوم ويقول بأعلا الصوة انعم الله عليكم يا ((الربع))هههه ثم الضيف يقوم وصار عمي يطلاب عطيه ويرد الضيف ويقول يابن الحلال تعش هذا مصرين معليك منه مايفهم العدات احيان الضيف يهون واحيان يستحي يرجع ويواصل المقام والمصري يضحك كلمو المصري عيب كذا فشلتنى مايصير حنا عرب ولنا طبايع قال اوكيه بس انا " اشبع قلو لاتقومخلك مكانك ولا لتقلط قال اوكيه صار وش يسوي يجلس جنب الضيف وعند مايأكل من5الى6لقمات المصري يرجع وراى ويحبي واحيان يزحف على بطنه ويرفع رجليه ويرخي يده وتمشى بين الصنيه والصنيه الاخراء رايح جاي قدام الضيف والضيف يتهول بما يصير وعمي يقول يا الربع تراى مصري بلاشنى به واحيان يدخن وهو على الصنيه قدام الضيف المصري يبغى احد يضربه حتى يشتكي ويأخذ له كم قرش والمشكله الاحترام بيننى وبين كفيله يفرض علينا لانخبره بمايصير وهو مايدري المهم تركالمصري مايشترو ن منه حتى خسر وغادر الديره متوجه الى منطقه ثانيه المصري ظبط علاقته مع الاردني وقال وش رايك نتشارك في محل انا على استاجره بسم كفيلي ونت تمدني با المال وراس المال يرجع لك والمكسب في النص المهم المصري اقنع الاردني عبد الرحمن واستاجر المصري بقاله وفيها بنزيل ودفع له الاردني 20000الف ريال وكل الفواتير بسم كفيل المصري بعد مأمن المصري البقاله قال للاردني انا خسران من القريه الي فيه البدو يقصد عمي وربعه ولابد احملك خسارتي وتكون في ضهرك والمثل المشهور عند بني اسرئيل ((ليسى بعد الكفر ذنب)) يعني مجرد تكفر اذبح ونتهك وفعل ماتريد تبغى احلالك اقساط ميسره 500ريال حاظر ولاطق راسك بعلا طوفه قال الادرني مايصير قال المصري إذأ صدق العاقل بمالايلق فلا عقله له انا خسران ولابد اخلص نفسي من الخساره والخساره ماله غير حضرتك تبغى ولالا قال الاردني مالي غير الامير يحل مشكلتي والله ويجي الاردني عند عمي ويبكي ويرمي عقاله يقول عمي والله اني احسب عرض الاردني مدنس يوم شفته بكى ورمى عقاله علي وقال يابو فلان لاتذبحني با القهر يقول قلت ابشر بلي من الله يصير وش السالف قال كذا وكذا وحلالي راح غدرني تعبي وتعب زوجتي وانا اجنبي لاينطبق علي النظام با التجاره هنا عندكم يقول عمي قلت كم فلوسك قال 20الف قال ابشر بعزك اركب معي والله ويروح عمي لكفيل المصري وقال هذا مصار وحتى الضيوف فشلني فيهم وتركته كله لاحترام البن الي بيني وبينك ياولد جارابوي واليوم الاردني جاري ونت تعرف حق الجار قال كفيل المصري عطوني بندق على الطلاق لارميه سود الله وجهه المهم راحو للمصر وباعو الاغرظ وكملو للاردني ماله والمصري سفروه اتمنا تنال اعجابكم والى قصه اخراء بعد شهر وفي امان الرحمن |
| الساعة الآن 10:13 PM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir