بسم الله الرحمن الرحيم

صبحكم الله بالخير جميع كيف الحال ان شاء الله طيبين
اليوم حبيت اكتب مشاركتي هذي اقدم فيها شكري و تقديري لاخي و حبيب قلبي خوينا في المنتدى (ابو علي الشمالي ) اقول له بيض الله وجهك وجمل الله حالك و معروفك هذا ما انساه طول حياتي




السالفه يا طويلين الاعمار
اني شريت طير حر صراحة استعجلت فيه و لا قلبت الطير زين و الحمد لله كانت قيمته طيبه ماهي غاليه بالحيل الطير فيه مشكله بعيونه فيها وضحه بيضاء ماثره على نظر الطير
وطلع فيه مشاكل بريشه ما ادري عنها الا يوم كلمني عنها ابو علي الله يجزاه بالخير
فيه ريش موسر توسير غلط اي كلام ولا دريت عنه الا يوم كلمني
صراحة الرجل هذا اخجلني و الله انه اهتم في طيوري كنها طيوره و يقلبها و يداريها ومجتهد معها و مجتهد مع كل الطيور اللي بالمربط اسأل الله ان يوسع لك في رزقك يابو علي و يوفقك دنيا و اخره
و انا عارف انك ما تحب المدح و لا تحب الظهور بس هذا واجب علي
من لا يشكر الناس لا يشكر الله

هذي صورة لعين الطير اليسرى باين فيها البياض
http://www.mekshat.com/pix/upload05/...4_67676767.jpg

v

v

v

v

v

v

v

v

v
ماشاء الله تبارك الله
عينه الأن صافيه يارب لك الحمد و الشكر
http://www.mekshat.com/pix/upload05/...4_12121212.jpg


وهذ سلام خاص من الطير هذا لراعييه


و يقول له وينك من مده ما شفناك :good2:
http://www.mekshat.com/pix/upload05/...34_2201252.jpg

و لكم مني كل التحيه و التقدير و ارجو منكم الدعاء بالتوفيق لخوينا ابو علي الشمالي