|
بعض معاني لكلمات البدو السلام عليكم ورحمة الله وبركاته صعرور .....ورمه كبيره تجي بالراس من ضربه وتنتفخ كن فيها هواء فلقه ....... هي ضربه بالراس تطلع دم وهي اصغر حجم من الصعرور واكثر الم منه صميل ...... قربة الماء وهي وعاء جلدي يوضع فيه الماء ليبرده هرش ...... البعير الكبير سن وتطلع على بعض الرجال اللي جسمهم كبير طنب ....سيخ زي حق الشاورما يثبت به الخيمه .... مزغدد .... هو واحد خدوده متورمه من زود النعمه ... يعني دب شطوب ...... قراشيع وفتحات تجي بالرجلين ... بناخي ...... يعني من الجماعه .. يفلي ...... يقوم بمهمة صيد القمل من الراس وخاصة الراس أبو شعر واجد تراااا القمل وااااااااااااجد فية يخثرد .... يجيب كلام ماله داعي <<<<< زي بعض ناس لوووول .. احووووووه ....... ترى البياله حاره ،، وأحيانا" يكون شئ حديدي المهم حار وبس ... يطرطش ..... متعبث بالماء وملي ثيابه ....... طقوع ..... يعني مايسوى ريال ،، وأحيانا" يضيفون كلمة (( الامحس )).. يوايق ..... يطل مع فتحة جدار والاقرب يتجسس على خلق الله... انقغ ...... تقال للبزر عشان يضحك ..... مبرطم ..... يعني قافله معاه للأخير ويشوف أنك تسب فيه ... مبوبز ...... جالس على رجوله ويبي يقوم بس عاجبته السالفه... مبطي ...... يعني من زمان وفي روايه اخرى قديم مرة ... شيعوف ...... اسم واحد من اللي تحت الارض الله يكافينا شرهم... انشق .... وتعني استشق وتقال عادتا للمزكوم فهمتوها أكيد ... شمحوط ..... يعني طووووووووويل مرررررررررره ... سملقي ...... هذا اللي كذبه واجد .. هج ... يعني اهرب بسرعه خابط .. يعني متغير اصمد .. يعني قليل او بشويش وسلامتكم ,,,,واللي عنده اضافة لايبخل علينا يضيف حيه الله ... |
تسلم أخوي على الطرح والله يعطيك العافية وبانتظار يديدك |
يسلمو ع الطرح |
وعليكم السلام والرحمه .,* تسلم ع الموضوع الطيب ,. نرقب كل يديد |
وعليكم السلام ورحمة الله وبركاته مســـائك ورد ..~ تســــــــلم الشــيخ ع الطـــرح الغاوي ...~ وربي يعطيــك ألف عافيه ... لاخــــــلا ولاعـــــدم ... ولاهنت الغـــــــالي ...~ |
| الساعة الآن 12:37 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir