فـتـاهـ عن 100 رجـل السلام عليكم .. الرجل .. يقول .. انا واحد من عشاق الاغاني .. اسمع حوالي في اليوم . 30 اغنيهـ ومقاطع توصل 50 دقيقه بس بغيت استفتر يوم اسمع اغاني اشعر براحه قلبي مايعورني .. ويوم اسمع قران .. قلبي يعورني احس يتحرك من مكانه .. والله امسك قلبي من كثر الام .. ممكن تفسري لي .. شسوي .. بحالتي .. رد الفتاهـ عليه: .. جوف أخويا بارك االله فيك .. أنا من وجهة نظري .. و مثل ما سمعت و شفت عن الدكتور الداعية الكبير محمد العريفي .. إن انت تقول يوم تسمع الاغاني اتحس براحة و في واااااااايد من البشر مثلك يوم يسمعون هاي المنكرات يحسون براحة تعرف ليش !! هذا كلا بسبب ضعف الايمان و الوازع الديني لدى كل شخص مثلك .. و انك يوم تسمع القرآن تحس بعوار ف القلب اتوقع لانك انت تعرف الي يالس اتسويه غلط و ان هذا منكر فمن جي يوم تسمع القرآن تستحضر و يستقوى ايمانك يعني بالمختصر تعرف انك مسلم و لازم ما تسمع هالمنكر .. يعني الدكتور محمد احيده كان يقول انه يوم اييهم كافر خل نقول ان صح الكلام اجنبي غير مسلم و يبا يسلم اول ما يسمعونه القران يقولوله شو تحس يعني عطنا شعورك بعد سماعك للقران ففي وايد يقولون لو ان ما نفهم معنى هذا الي نسمعه لكن نحس بشي بداخلنا يتحرك او بخوف قادم لنا يعني انا الي كنت ابا اقوله ان هذا تذكير لك يا فلان انك مسلم و الغير مسلم بيقول وين نحن كنا زمان عن هذا الدين فمن جي سبحان الله يعني كأن ربك يقول يا فلان او يدلك او يرشدك يقولك ابتعد عن هالمنكرات الي اتسويها و جي .. و بعدين للعلم يوم الواحد يسمع القران او يقراه و يحس مثل شعورك ترا هذا شي طيب هذا يدل على خشوعك و بعدين اشلك بعوار الراس اسمع الاناشيد و اسمع المحاضرات او فيديو ترا انصحك تدخل يوتوب الاسلامي فيه اشيا وايد حلوة و الله انك بتستانس و يمكن اتصيح بعد لان صدق نحن مهما سوينا بنظل مقصرين ف حق ديننا ... فالله يثبتك أخويا و يثبت أمة محمد عليه الصلاة و السلام على الدين القيم و الايمان الصادق و أكثر من الاستغفار دائما و ابدا لان انت ما تعرف قيمة الاستغفار !! إنت بتقول موضوع تعبير !! لكن أنا أقولك دينك أولى و أحق من ذلك !! فعـلا هاذه الفتاهـ عن 100 رجل .. ادعوء لها .. وهاذي القصه حدث وانا كنت موجود في الموضوع .. استاندر-قطر دعواتكم للفتاه |
تسلم عالطرح جزااك الله خير وجعله في ميزاان سحناتك يارب |
تــســلم اخووويه (استاندر-قطر) ع طرحك للموضووع يزاك الله خير في ميزان حسناتك وربيه يثبتهاا على دينهاا ويسعدهاا دنيا واخره وان شاااء الله يكون في ميزان حسناتهااا |
اشكركم على المرور |
و عليكم السلام و رحمة الله و بركاته بارك الله فيك اخوي استاندر قطر .. و مشكووووووووووووووور يالغالي على المواضيع رائعة و في ميزان حسناتك أن شاء الله و تستاهل خمس نجوم * * * * * و لا تحرمنا من تواجدك و مواضيعك المميزه في القسم الإسلامي وبإنتظار ان تزين هذه المساحات بالمزيد من سخاء هذا القلم وألوانه الراقية ... |
الساعة الآن 06:23 AM |
Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir