منتدى استراحات زايد - هذه قصتي وانتم الحكم

اخواني مشرفي واعضاء وزوار هذا المنتدا العريق.
السلام عليكم ورحمة الله وبركاته وبعد
اعزائي انا سوف اعرض لكم قصتي وانتم الحكم
تم اتفاقي مع رجل على طير ولقد تم الاتفاق واشتريت منه الطير بالمبلغ المتفق عليه الطير كان عند ولد عمه فقال لي سوف اكلم ولد عمي وارد عليك كي نتفق بطريقة التوصيل وبعد قليل اتصل عليا راعي الطير اللي كلمته وباعني الطير ويقول لي والله ولد عمي اللي عنده الطير هو اللي شراه لي والله انا ما شفت الطير الين الحين لكن ودي ابيعه صادفت عندي دوره ومسافر الامارات المهم قالي ولد عمي يقول الطير يستاهل اكثر ومعي على هذي القيمه لكن انا ارسلك رقمه وانت تفاهم معاه . اخذت الرقم واتصلت عليه قلت له ياخي انا اشتريت الطير من صاحب الطير قال لا هذي ماهي قيمته المهم يالربع بعد مفاهمه طويله زودت له على اتفاقنا الاول انا وراعي الطير 1500 ريال وقال انا اجيب لك الطير الى باب البيت المهم حولت الفلوس كامله ودوقيا قلت له اتناصف الطريق معاك طبعا اهم شي في موضوعي هذا قلت له كيف الطير قال لي والله الطير مابه شي وافك له حمام سلم يطرحه هو كان عارضه طبعا بمكشات والصور بعيده المهم سافرت ودي اجيب الطير الرجال قام يتهرب وانا ما يمديني اطلعلك لكن في واحد باعطيه 200 ريال ويقابلك طبعا الرجال هذا راعي التكس كلمته قال انا حدي واتفاقي 150 كيلو يعني انا مشيت حوالي 700 كيلو المهم كلمت راعي الطير تخيلو يقولي ترى الطير مافيه جدرى لكن منخاره مدري وش وقامت العلوم تطلع المهم طلع الطير فيه جدرى قلت الله يستر والله لولا ان اولادي تعلقو بالطير واعجبتهم الصور قلت يله خلني اخذه جدرى جدرى المهم يالربع قابلت راعي التكس واخذت الطير وطبعا بالليل وما ادراكم بيع الليل ما لاحظت بالطير غير الجدرى رجعت الديره وبعد ماصحيت من النوم جلست اقلب الطير والله تم والله يالربع لقيت الخمس الريشات الموس والنايفه والثالثه والرابعه والخامسه موسرات اتصلت عليهم مالقيت اي حل معهم لاحول ولا قوة الا بالله طلعت بالطير والله فكيت له حمامه طردها شوي ويوم ارتفع وقع عنها وهو يقول يرتفع وطيران الطير كانه عقاب وبعد كام يوم تشلخت الخمس ريشات وصار الطير كنه دجاجه وربطت الطير وانا عايفه لاني ما اقدر ابيعه واغش احد .. لكن ما اقول غير حسبي الله ونعم الوكيل فيهم والله ياخذ لي حقي منهم وهم معنا بمكشات ويشوفون ردودكم واسف على الاطاله لللاسف الناس صار اهم شي عندهم يكسبون فلوس باي طريقه كان ما في لا جنه ولا نار صاروو ما يخافون الله الدنيا زايله والفلوس هذي وسخ دنيا ..... تحياتي للجميع واعذروني على الاطاله