منتدى استراحات زايد - ثقافة تقييم السلعه في مجتمعنا !!

السلام عليكم ورحمة الله وبركاته

احب اذكر نقطه مهمه في تقييم اي سلعه معروضه للبيع سواء ادوات صيد او سيارات او اكترونيات او اي شي آخر

ألاحظ كثير من اللي يقيمون السلع يقيمونها بسعرها فكل مازاد السعر معناته انها ممتازه وهذي في اعتقادي ثقافه خاطئه ..

وانا اتكلم عن اي سلعه في السوق
فأرتفاع السعر ليس علامة الجوده ..

فيه عوامل كثيره أدت لرتفاع السعر.. ممكن تكون هذه السلعه قليلة في السوق ..ممكن تكون مقطوعه

من السوق ممكن يكون تكلفتها لين توصلنا كثيره..ممكن تكون المواد المصنعه واحده في اكثر من

شركه لكن اجور العمال تفرق وممكن يكون جشع من التجار وممكن ..وممكن..

ايضا بعض الشركات تستغل سمعتها العريقه فتتحكم في الأسعار وايضا في المقابل تجد شركات ممتازه ولكن وصلت متأخره رغم جودتها ..فتجدها تظطر لخفض الاسعار لوجود منافس قوي حتى تثبث جدارتها ..فمثلا تعرض سلعه بسعر قليل مقارنه مع اخواتها من شركات اخرى فتجد الناس يعرضون عنها ..ولكن عندما يرتفع سعرها تجد الطلب يزيد.....
هذي نقطه اما النقطه الثانيه بالنسبه للصناعه الصينيه فالآن كثير من الشركات نقلت مصانعها للصين لأن اجور العمال قليله مقارنه مع البلدان الاخرى وبالتالي ليس كل صيني رديء فيه الرديء وفيه الممتاز حتى على مستوى السلاح
صحيح ان اغلب اللي يجينا من الصين ردي لكن برضه فيه سلع ممتازه ومن مزايا الصناعه الصينيه عن باقي الدول تجد تقريبا لكل سلعه ثلاث إلى اربع درجات فيها الردي والمتوسط والجيد والممتاز
ولكن مع الاسف اغلب اللي يجينا الرديء
وايضا من مزايا الصناعه الصينيه : انها في اغلب المنتجات العالميه تجد منها صناعه صينيه فتجبر بعظ المنتجات بتخفيض الاسعار لوجود نفس المزايا بجوده اقل بعض الاحيان وبسعر اقل
آسف على الإطاله ....مجرد وجهة نظر وحبيت اطرحها...
وافيد واستفيد