منتدى استراحات زايد - $$$(( البيع ذمه ومانة بيع ومصداقيه: ومرجعات البيع))$$$

السلام عليكم
ياخوان ماحد محاسب محل احد
والبيع ذمه وكلن يتحمل مافعل خير وشر
والطيرمايتكلم ولايعلم بما فيه
لاخذت الطير وستدرت من ورى جدار مالك الحق في ارجاع الطير لاتذمم راعيه البايع انه سلمك الطير سليم من الامراض المرجعه للطير وسليم اعظاء
لان هذا روح بجسد من يضمن ان الطير بعد ماقفا به اللي شراه كفخ وطاح على مايجرحه او يكسره او هديته وترب (اخطى فريسته وضرب الارض) اودخلت فريسته حدر السياره وضرب السياره او انه نقز من التكايه وضرب عصا القير
الشي ذمه بين البايع والشاري
ونا ابيع بالطيوراللي تيسر لي منيب تاجر ولاعندي مكتب بيتي ويجوني ناس موصيين بايصال الطير وهم مالهم علاقه بالطيور ولايعرفولها واحد جاب معه كرتون بيض يقول حط الطير به قلتله خاف الله يارجال
ومثاله يمرون علي كثير لانخنق الطير من عليه وواحد بحطه بشنطة السياره لايوصخ المرتبه وقصص كثيره
اقول لاقفى راعي الطير او المرسول بطيره مايرجع الا بالمرجعات اللي عليهن الكلام ويعرفوهن الصقاره الكسور القديمه او الامراض التي لايرجى شفائها
هذا والله اعلم وصلى الله على محمد
اخوكم ابومشعل