منتدى استراحات زايد - عـزاه ان البـقـاء براســه

السلام عليكم
حبيت اشارككم بهذا الحرف المتواضع
واتمنى ان يرتقي لاذواقكم..

على طاري الوفاء شيخ ٍ/ مريـــض ٍ يلفظ انفـــــاسه
................... غبن دنيـا بلا معنى /عبـــث لمحـاولة دكتـــــور

وحيـد ٍ يـاوفاء هالخـلق / طريح ٍ وانتـحوا ناســه
................... لك الله كان لك صاحب / ترى العالم بلا دستـــــــور

تشوف وجيـه بالدنـيـا / وضحـكة سن حسـاســه
................... ولكن لو فتحت القلب/تـلـقى صاحبــك مسعــــور

تدوّر صافـي النيـة / هـجـر دنيـاه واونــاسـه
................... بقايا اطلال تبكي له /وبيــت ٍ من زمن مهجــــور

ترك ارضه ترك حيـه /عـزاه ان البـقـاء براســه
................... وتـقبل سكـة المـهجر /يــدوّر صــاحب ٍ بالنــور

بصيص من الامل حاديه / قهــر ممزوج في كاسـه
................... وطريــق ٍ مـوحش ٍ خـالي / بليل ٍ مظلم ٍ مذعـــور

وانا بين المريض اللـي /مضـى وقـت ٍ قـوي باسـه
................... ولـكن مع مرور الـوقت /عليـل ٍ خـاطره مكســـور

وبين اللي ترك ارضـه /وضـاع الدرب من ساسـه
................... بـعد ماكان في حيــه /عزيــز ٍ بالعـرب مستـــور

اقــول اللي وفــاء روّح / لفظ لي آخر انـفاسـه
................... موادع مابغى الدنيا / من افـعال البشـر مقهـــــور

واخونا اللي مهـاجر ضـاع /عمره واعلن افلاسـه
................... تعب هجـرة ولاحصـل / صديق ٍ صافي ٍ مذكـــــور

تحياتي .. محمد السعود.