السلام عليكم
ياخوان هذه تجربه مع نقص زيت لاندكروزر تويوتا 2003 وطبعا من موديل 98 الى 2007 نفس الشئ زكذلك الفكسار؟

كانت المشكلة ان الجيب ينقص الزيت بعد 3500 كيلوا وتولع لمبة الزيت وبصراحه قررت احل المشكله بعد توفيق الله سبحانه ومريت الورشات وقالوا لازم نسوى شنبر للمكينة او نوضبه كامل
خلاص الموتر انتهى عمر المكينه الافتراضي وهو ماشي 250 الف وبديت امر الورشات

وحصلت ورشة يقول جلد بلوف قال اترك السيارة تشتغل عشر دقائق وهي واقفه وخليتها
وقال ادعس بانزين بقوة وارفع رجلك والا الدخان من الشكمان يطلع واجد
قال هذه جلد بلوف لازم تغيرها ومعها بلف البخاخ ولازم نفك راس المكينة وشغلنا 600 ريال
بصراحة فكتة راس المكينة تكلف واجد طبعا رحت ادور على حل اخر من هالورشات
وحصلت ورشة تغير جلد البلوف من غير فك الراس وبطريقة غريبه عن طريق ضغط الهواء بمكان البوجي
وبدون فك راس المكينة والله وانا انبسط والحمدلله غيرت جلد البلوف وقيمتهن 300 ريال
وشغل يدهم 600 ريال وبلف البخاخ 45 ريال وكلفت تقريبا 900 ريال
وغيرت الزيت وخليته يمشى عشرة الاف كيلوا ومانقص وانتهت مشكلة نقص الزيت والحمدلله
الغريب ماشاء الله بالورشة يضغطون بالهواء بمكان البوجي ويغيرون البلوف وبصراحة طريقة ممتازة وبدون فك راس المكينة وتحتاج يوم كامل وانا واقف عندهممن الساعة 8 حتى صلاة المغرب

مكان الورشة للامانة
مدينة حائل- الصناعية - ورشة الاخلاص واسمها المعروف ورشة الصعيدي والمهندس باكستاني ابو خالد
واقرب ورشة لها ورشة التفيهي بجوار قطع غيار تويوتا وكلهن مشهورات بحائل

نقلت الموضوع للفائدة وليس الدعاية للورشة اخوكم ابو عبيد