|
قصتي مع العم ابو مسعود والجدير بذكر خلل 20عام القريه تغيرة وهو لم يتغير بشي السلام عليكم ورحمة الله وبركاته مسيتم با الخير كل واحد بسمة الحقيقي والمستعار أود اطرح على مسامعكم قصة العم ابو ((مسعود)) في عام 1411ه ايام غزو العراق على الكويت صارو العالم يعيشون كبوس مرعب وخوف لايعلم به الله ولعل السبب ظرب العراق الرياض بصوريخ سكوت نحن في الديره ولايوجد حتى التلفاز لايوجدغير الرادو الاشهب ابو بطريات عليهآ صورة بس :D العم ابو مسعود من عام1411ه حتى جيته في 1433شهر 4 لم يتغير بشي اي شي تقول لابد يعاندك العم ابو مسعود ايام غزو الكويت عمره 50سنه كل مايكون عندنا او عند الجيران عشى يجي ومعه رادو اسود يقول هذا اصلي يباني شاريه من واحد( راعي صنف:D) يمدح في الراديو المجلس يقوم ويجلس على ها الراديو" اصلي مافيه كلام راعي المحل الي باعنيه راعي خبره في الراواديو من ها القبيل وعند مانشغل رادو لنسمع الاخبار يقول طفوه""هذا ماهو اصلي الاصلي رادوي ((يجيب الاخبار كامله))ولا يكذب:s والناس مايقول ابو مسعود لازم يصير وفي الاخير يسألون ابو مسعود عن الاخبار يقول الوكاد المملكه ماعليه زمل ههههه بس ها العباره وهو صادق ولاكن عنده اختصارات لاتوجد عند غيره من البشر ولان لكم الجزء الاخر من ابو مسعود ابو مسعود عنده من العيال حوالي 8اعيال اغلبهم ماهو موظف وكان فيه واحد يقول ياربع المهور غاليه ليه مانتفق ونزل من سعر المهر لكي يسن لشباب الزواج اول من عاند واعلن نقض الفيتو ابو مسعود والمشكله ماعنده بنات حتى يكسب من المهر يقول مابقى غير تصير بنات الناس بلاش عيب ويعلن نقض الفيتو للحرب وتترك الجلسه في درج المهملات حتى يومنا هذا ولان لكم قصتي مع العم ابو مسعود قصتي بختصار غيابي عن الديره تفوق 18سنه تكون فيه زياره لاتزيد عن يوم او يومين لاسباب خاصه منها توفي الوالد الله يرحمه.. واخواني مع الوالد انتقلو الى مدينه ولم تكن زيارتي للقريه لاء لسلام على عماني اخوان ابوي وكلهم ماتو بعد الشايب الله يرحمهم ولم يبقى احد هناك لتواصل معه واشغال الدنياء لاتنتهي ابد ذهبت الى القريه التي ترعرت فيه وعش اجمل لاحظات العمر هناك القريه يأخون كتالي في اخرها بيوت جدي وعماني من طين وفي النص بيوت اعيال عماني بيوت شعبيه اغلبها مهجوره وفي اوله بيوت مسلحه جديده كل شي تغير معداء العم ابو مسعود تغير بشكل وتقدم بل عمر ولاكن المعاند راس ماله في ها الدنياء ذهبت لاسلام على ابو مسعود ولي الشرف اجلس مع هذا الشيخ الكبير العنيد ولاكن اريد ارجع ولو قليل من الذكريات الماضيه سلمت عليه كيف الحال يابو مسعود قال منت انت قلت انا عطيب ومايغيب قال يهلا من ممشاك الى ملفاك ومن خلا التراحيب قال بشرني عسى معك ظناء قلت ابشرك معي بنتين وولد قال وش اسم الولد قلت مازن:D قال وشو؟؟!! قلت اسم ياعم مثل مسعود قال لاوالله ماشق حول الرقعه ههههه ها الاسم ماهر لبوك وعمانك القصه اطول من ذالك اتمنا تنال اعجابكم |
| الساعة الآن 02:20 AM |
Powered by vBulletin® Copyright ©2000 - 2026, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir