|
ياصقاقير ياأهل العرف عندي طير مامر علي مثله عطوني الحل السلامـ عليكم ورحمة الله وبركاته مساكمـ الله بالخير \صبحكم الله بالخير ياصقاقير عندي طير حر ادعيه من مسافة 3كيلو يجيني اللوحله يلوح حتى على الصوت يجي ادعيه بملواح او ادعيه بدون ملواح يجي طير عمره 10 سنوات طير وليف وهادي ومافيه عذروب وطير عربي حتى لو اصيحله وهو في البرقع يبي يكفخ بيجي يمي هو طير صايد وذابح الحباري والكراوين وطير مايرغب الحمام بس بعض الاحيان افكله حمام ويطرد معها اشوي ويتركها وادعيه ويحول علي عادي بس فيه مشكله مدري وش فيه ابغى حل لها والمشكله من العام هديته على حبارى وزبنت الحبارى وتنكر الطير اصم ابكم مايشوف ادعيه الوح اطشله حمام مايجي حتى الطيور الوحووش الى محد صادها ماتسوي زيه هذا لو اطلع عليه والا اقرب منه يطير على طول تقول صيده المهم حتى الحمام اطش عنده ولا يبغاه مره طشيت عنده حمامه ونزل عليها ويوم شافني وسمع صوت السياره تركها وراح والمهم بعد يومين طرحته بشبكه بعد تعب وعذاب المهم من يوم علق بشبكه وبرقعته فكيت برقعه وتغير طبعه على طول صار زي اول وليف وليخاف ولا شي حتى اخذ معي ربع ساعه ودعيته بالملواح وجاني على طول ماكن شي صار المهم هديته على كروان هالسنه وطرد معه اشوي ونزل الكروان في القاع وتركه وتنكر الطير سوى نفس ماسوى يوم هد على الحبارى وش الحل مع الطير الطير صنعته زينه ماهو صنيع وزنه وزن هدد مر عليكم طير مثل هالطير والى عنده علم وخبر لايبخل علينا الله يجزاكم خير |
| الساعة الآن 09:10 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir