حافظ على رديتر سيارتك
 

السلام عليكم ورحمة الله وبركاته
قربنا ندخل الصيف وطبعا الحرارة ماشاء الله لا قوة الله بالله لا نحسد عليها
وطبعا سياراتنا ترتفع فيها الحرارة فترة الصيف خصوصا اذا توقفت كثير وكنا بزحمة

واغلبنا يواجة مشاكل صيفية مع الرديترات
اذا حبيت تتجنب مشاكل الرديتر وتملح الرديتر اتبع نصيحتي لك وان شاء الله تدعي لي وترتاح من هم الحرارة
مشكلة الرديتر الازلية هي الاملاح
من وين تجيها الاملاح؟
الاملاح في الرديتر تجيها من الموية والمعروف الرديتر عبارة عن حديد او المنيوم لما يجية ملوحة يصدي ويصبح تالف خصوصا مع الحرارة
نسبة الاملاح في المياة تختلف لاكن بها نسبة من الاملاح واحنا نحتاج نتجنب الاملاح هذي مهما كانت نسبتها

اذا كنت من الي يحبون يزيدون موية الرديتر بشكل دوري ويستخدمون موية عادية الله يسعدك مر على اقرب محل رديترات وقت ماتكون فاضي قبلها مر على اي فرع قطع غيار للوكيل وخد منه موية رديتر مركزة اصلية علبة واحدة فقط + 10 علب موية مقطرة سعر الواحدة 2 ريال حسب حجم الرديتر واحتياجك لها
اطلب منه ينزل كل الموية الموجودة بالرديتر والمكينة وينظف الرديتر والمكينه لك
بعدها يرجع يسد كل المنافد الي فتحة ويعبي لك موية الرديتر الاصلية الي اشتريتها + الماء المقطر لين يمتلي بشكل كامل ولا تنسى تاخد الباقي معاك لانك تحتاج له

تنبية : عمرك لا تستخدم موية عادية او موية الرديتر الي تجي بعلب شفافة سعرها 10 او 15 ريال كلها املاح وتخرب الرديتر لك

بعد عمل تغيير لموية الرديتر ثاني يوم الصباح قبل لا تشغل السيارة افتح منفد الموية بالرديتر وتاكد انه مليان
بعدها تاكد من القربة انها مليانة لو ناقصة زود عليها من الماء المقطر

على الاقل خل عندك 3 علب ماء مقطرة بالسيارة احتياط راس مالها 6 ريال تحتاج لها باي وقت واذا مالقيت واظطريت تعبي الرديتر خد موية صحة وعبيها لا تعبي بموية عادية وتجنبها قدر الاستطاعة

بالنسبة للي ماخد سيارته جديدة ومن الوكالة وفقط يحتاج يزيد موية يستخدم موية مقطرة وان شاء الله مايجية ملوحة ولا مشاكل


تحياتي للجميع وان شاء الله صيفية سعيدة