منتدى استراحات زايد - كلبوكم ادخلوا

صبحكم الله بالخير
ما ادري كيف ادخل فالموضوع

بس فيه ضاهره منتشره هالسنين التاليه

الا وهي طير معروض للبيع يقول لك ذابح تسأله ذبح معك يقول لا اهله الاولين طيب تشرط على الذبح
يقول لا
المثل يقول لا كذبت سند ليه طيب ابر الذمه وقل معي ما شاف وبس

هي حدا بيعتين يا تقول ايه ذابح واشرط عليه والا تقول ما ذبح وما وريناه شي وبيض الله وجهك

انا قبل اربع سنوات بعت طير في السوق في بداية الموسم وفي نص الموسم لقيته على يد الباحوث يحرج عليه لواحد الله يستر علينا وعليه
يقول ذابح مع اهله الاولين وراكد ويطلع
وانا راعيه العام من اول الموسم لين ربطته ما شاف شي وطلبت من الباحوث يوقف حراجه وقلت هذا طيري والرجال هذا يكذب

وش عذره عذره يقول انا شريته من ناس يقولون انه ذابح مع اهله العام

ترا فيه حساب في الاخره على كل صغيره وكبيره انتبهوا يالربع يمكن الموضوع بسيط بس ترا الذمه قويه

وبس غلق كلامي بس لا عاد اشوف موضوع زي كذا اما راع الطير يقول ايه ذابح وان ما ذبح مرجع والا يقول ما ادري عنه وبس

وش رايكم يالربع كلامي ماهو صح