منتدى استراحات زايد - صوره شعريه عذبه لمتذوقين الشعر

السلام عليكم .....
قصديه اهديها لكم بمناسبة الاجواء الربيعيه..للشاعر الكبير لافي الغيداني ملك الوصف

لعل السحاب اللي مـن البعـد دوبـه واق على حد الارض من السما تسبـر اعناقـه
على ديـرة دونـه جنـوبٍ عنـه ينسـاق تقـفـاه وتلمـلـم شتـاتـه وتستـاقـه
ذعاذيـع ريـحٍ ماتشيـل وتـحـط رواق يصحبها شوية عنـف وانسامهـا رقاقـه
لو تمـر بيـت البـدو مترامـي الاشنـاق تهـزه شـوي شـوي ماترمـي رواقــه
تسوق السحـاب بدبـرة المانـع الـرزاق إلـهٍ عبيـده تطلـب ارضـاه واعتـاقـه
ولامنه تسـاوى فـوق دارٍ غلاهـا فـاق حـدود الغـلا تستـأذن الريـح لفـراقـه
يقر ويسر البـال .. والعيـن .. والخفـاق ويلجّّ رعده .. ويرفرف البـرق بأشناقـه
من بعيد برقه يسهـر المسنـي المشتـاق هكاالليل يقضـي كـل ليلـه علـى ساقـه
كاانـه يقـول ليانتفـض برقـه الشعـاق على الهـون تكفـا ماعلـى قلبـي لحاقـه
وصلها وباشرهـا علـى غيبـة الاشفـاق جـلال مطـره مايعطـي الوقـت لدقـاقـه
تضيق بسخاه الاوديـه والفضـا ماضـاق بغيمه .. وهتانـه .. ورعـده .. وبراقـه
يمد الجذع بالوصل .. والغصن .. والاوراق بعد مااشتكى من هجـره الغصـن لوراقـه
شهر .. ويتجاور فيه راعي غنم .. ونياق بربله .. وحوذانه ضحـى تشبـع الناقـه
تكحـل بنبـت فياضـه العطـره الاحـداقمن يشوف نبته يشكر الله علـى ارزاقـه
شذا نبـت ريضانـه ماينبـاع بالاسـواق مايجمع شذاها مـع بعـض غيـر خلاقـه
تجـلا بتنويـع الزهـر قـدرة الـخـلاق تلاويـن نبتـه تأسـر قلـوب عشـاقـه
ربيعه .. وغدرانه .. متى مانهمـر دفـاق لـدارٍ لهـا كــل الاحاسـيـس تـواقـه
سلامي عليها من اولـي لاخـر الارمـاق ولها صادق الاشـواق باقـه .. ورا باقـه
غلاها وسره دافنـه فـي ثـرى الاعمـاق وأكيد الغلا ماجـا مـن البـاب .. للطاقـه