منتدى استراحات زايد - جدتي و الفدوي

السلام عليكم اخواني واخواتي اسمحولي اقولكم سالفه من سواليف جدتي الله يرحمها ..

كانت عايشه في الديره وكنا نروح كل نهاية اسبوع نزورها وفي يوم من الايام كنا نتقهوا العصريه في الفيه نسولف
وشوي الاجدتي سرحت وتنهدت وقالت ياحضكم انتو عندكم الفدوي ماتطفشون:(
وهي اللي تحزنا و تكسر خاطرنا ونوعدها الاسبوع الجاي
وحنا جايين نجيب الفديو معنا والله ونفذ وعدنا ونجيب الفديو وكانت ذيك الايام مافيه كهربا مغير على المواطير تشتغل في الليل
بس المهم بعد العشاء تعشينا وعينا خير وتسدحنا في الصاله وشبكنا الاسلاك
المهم كان الشريط لكم عليه شوي ساع صافي وساع موشوش :mad:
بعد شوي من المتابعه الا ونسمع صوت جدتي من بعييييييييييد في الحوش تقولنا هااااااااااه صفي هااااااااااااه صفي
وحنا نقوم نتناقز نشوف جدتي اش تسوي لقيناها ماسكه الماسوره حقت الاريل تفرها مره يمين ومره شمال وحنا اللي نتصرع من الضحك :D:D:D
المهم فهمناها الموضوع ورجعنا نتابع بعد شوي من المتابعه تقوم جدتي وحنانطالع
وتحسس تلفزونها وتلقاه حار وهي اللي تهوشنا وتسبسبنا وتفصل الاسلاك:eek:
تقول هذا الماخوذ ماهو زين بيخرب تلفزوني راح زي النار لاعاد اشوفكم تجيبونه مره ثانيه...
ولا قدرنا نام ذيك اليله من قوة الضحك الله يرحمها ويغمدها الجنه ان شاء الله

اتمنى تكون السالفه اعجبتكم