منتدى استراحات زايد - للبيع بيت شعر مروبع 14 في 5.5 نظيف استخدام شهرين

السلام عليكم ورحمة الله وبركاته

يقول من قال :

بيت مروبع للرجاجيل مدهال
..........ودلال على جمر الغضى مستديره

وجيب شديد للثقيلات حمال
..........ابو شنب ياخوك محلى صفيـره :)

المعروض :

بيت شعر " مضيف" صناعة يدوية سورية عمدان حديد نظام خيمة وليس بيت البدو القديم المتهدل :)ويوجد عمدان حديد للمنطقة الامامية المكشوفة
الطول : مروبع = اربع عمدان = 5.5x14
الحالة : عزالله نظيف وانا فاله بيدي
القيمة السوقية الجديد " 12 الف

مواصفات اخرى :

البيت استخدام شهرين فقط لمناسبة ومشتراه تفصيله بـ 12 الف
معه اروقة عدد2من ثلاث جهات والجهه الامامية مفتوحة "مضيف"

البيت موجود عند ولد عمي ولاهو لي ولا لي في البيعة مقدار ذرّة ولولا نظافته ما عرضته هنا
مسافيط للي وده ببيت شعر من ربع مكشات

بالنسبة للصور :

جيتهم وهم فالينه وطرنا بالعجه ولا طرت لي الصور الا عقب تسفيطه

وفكته وتربيطه علة من العلل يبيله مجهود " للعلم يبيله موتر جيد يشيله اما شاص ولا ديّنا لان مقاسه كبير و وذف

اللي صامل بالشراء بكرة افله واصوره له مفلول

ويشهد الله انه نظيف ولا حتى تغير من لونه شي واذا فيه عذروب عزالله على ما يشهدون الربع ماهو بلك ولك طيبة الخاطر من الطاق للطرباق

لقطت لكم صوره له وهو مسفط

http://up.ll1r.com//file.html?action=&id=565

وهذي صورة مقاربة للمعروض :
http://www.m5zn.com/uploads/2011/1/2...yqtjg346lv.jpg

واللي يبي رقم راعيه يبشر به راسه وراس الرجال واللي يبي يدلي بدلوه هنا حاظرين باللي يبي