منتدى استراحات زايد - مشكلة في كفرات الجمس الأمامية تقطيع من الخارج كيف الحل

بسم الله الرحمن الرحيم
اعضاء وزوار مكشات المحترمين السلام عليكم ورحمة الله وبركاته .تحيه طيبه للجميع.
عندى مشكله في كفرات الجمس(يوكن 2005 دبل ) الأمامية تقطيع من الخارج وليس مسحية تعبت مع الورش ولم اجد حل لهذه المشكله، اطرحها هنا في هذا الصرح لعلى اجد من يدلنى على حل لهذه المشكله .
تفصيل للمشكله وبدايتها
ركبت كفرات مشيلان جديده وجلست فتره لامشكلة فيها وغير موجود هذا التقطيع ابدا ثم غيرت المساعدات الأمامية وركبت مساعدات جبريل وبعدها ظهرت المشكلة وبعد ذلك خذ زيارات تكرارا ومرارا على كثير من اصحاب الميزان العادى والالكتروني ومحلات سحب الشاصي في اول الزيارة الكل يقول تحتاج وزن لكى يلهط بعض النقود ثم بعد الرجوع اليه يطلع العيب طبيعي من اللفات ونوعيت الكفرات وان جوانبها ناعمه اعني المشيلان وخذ من الحكي والتبريرات المصطنعه المشكله لها اكثر من تسعة شهور وبدون فائده تم تغيير دودة شاصي وتوازن ثم تغيير الكفرات الأمامية(اصبحت غير صالحة) الى برجستون ثم تغييرجوزات المقصات السفلية ثم تغيير المساعدات الى حق الوكالة الاصلى ،لأنه اثناء تركيب مساعدات جبريل الاولى الفني لم يركب مسمار الوزنية الموجود فقط في الأصلى بل رماه مع القديم انتبه لهذا عند تغيير المساعدات كثير لايعرف هذا حتى بعض اصحاب محلات قطع الغيار!!!؟؟ وكل هذا ومازالت المشكلة موجوده حتى الان من عنده حل يتحفنا بذلك وله الأجر والثواب من الله عزوجل وشكرا لكم ومعذره عن الاطاله .