|
وجدو عند الشايب مع الورث اثبات موظف "بنك "لايعرفون ولك القصه السلام عليكم ورحمه الله وبركاته نبدأ على بركة الله هذ شايبن من شيبان الربع اسمه عبطان ابن غيضان الشايب يعيش في البريه مع قطعان الحلال من الابل والاغنام هو ومعه زوجته العجوز الشايب يبلغ من العمر حوالي 80سنه معه اولاد صغار بسن وعنده اولاد كبار بسن موظفين وبعيدين عنه نوعاً ماء الشايب يتغذى على 1-التمر 2القمح خبز او مرقوق 3الجريش 4الحليب متوافر 24ساعه 5لحم الغنم البريه ولحم الصيد من ارانب وطيور وووو ال خ موصفات الشايب كتالي يتميز بطول يتراوح من 75الى 83 عليه زند كبير المقاس مع طول اليد وعرض الساعد فمة مقاس ماهو شين لصاح لازم يروع من حوله اي لابد من الاحترام واختيار الحلول السليمه بعيداً عن المعركه الشايب كل سنه يبيع من الخرفان والحشو ويخزن الدراهم في شنطه في البيت من الشناط القديمه السوداء حديد وفي يوم من الايام احترق بيت الشايب ولع :fنار وبسرعه طلعو الشنطه وباقي البيت احترق سمعو الجيران با الخبر وعلى الفور زارو جارهم ابو غيظان وحمده على السلامه وبدو جلسه تشاور وقالو يابو غيظان فلوسك ليه ماتدخلها البنك احفض لك لو احترقت كل راحت مرجلتك كله بسبب عود شخاط ومن الهلكلام الشايب اقتنع بكلمهم وقال على بركة الله من بكره ماشي للبنك بعد الفجر تقهواء الشايب وحمل الفلوس وقدرها 80الف ريال في كيس قهوه هرري عليه من الغبار وسمن الودك صاير لونه بني غامق قبل مايمشي صوت الشايب الى ام العيال فلانه قالت لبيه قال تبين شي من سوق المدينه بهبط يمه قالت ايه قال وش تبين قالت جب معك صعوط من العطار حق العجايز ههههههه بس لله دركي يا جده اه اه اه ياحريم اليوم هات وهات وهات ولاكن العجوز لاتحب التبذير نواصل لكم القصه راح الشايب الى بنك الراجحي وهو اول مره يزور بنك قبل مايدخل البنك كان فيه 3عسكر من الشرطه واقفين عند الصرافه يبغون يصرفون الشايب قال في نفسه مشاء الله كل هذولي حرس على البنك هذا والله الامان والله ويخل الشايب البنك عليه بشته والكيس في ضبطه لايشوفه احد اول مادخل قال الشايب وين كبير القوم هنا يقصد المدير قالو هذاك هو في مكتبه والله والشايب يدخل على المدير الفرع قال سلم يا للحيه الغانمه قال المدير وعليكم السلام تفضل ياعم امر نحن في خدمتك قال الشايب والله ياولدي معي قريشات ودي احطهن عندكم في بنكك يسب :Dالبنك للمدير قال الميدير ابشر بالي يسرك حاضر والله يزهم المدير موضف قال خذ معك ها الشايب وفتح له حساب وودع له الملبغ وفعلن الموضف اخذ معه الشايب وصور بطاقته وفتح له حساب وكان التوقيع بصمه لان الشايب امي لايقراء ولايكتب تم ايداع المبلغ عن طريق الموضف والفلوس على الطاوله مبلغ وقدره 80الف ريال كله امهات خمس جدد تقرش اقراش ركزو معي اشوي الشايب يحسب الفلوس تحط في مكان معين ويقفل عليه وتترك حتى يأتي ويأخذها لايعم بنظام البنك والعالم رجل على الفطره مدير البنك دخل عليه موظف مخصص لرجال الاعمل واصحاب المليين توضيع اصحاب المليين لهم تعامل خاص عن غيرهم لايذهبون الى البنك يأتيهم موضف من البنك ويقوم بخدمتهم يسحب لهم من البنك ويودع لهم وهم في بيوتهم وهذ يميزهم عن غيرهم مجرد اتصال من رجل الاعمال على مدير البنك اريد مبلغ يقول له مشوار الطريق وعلى الفور يرسل له موظف يخدمه لان هذا الشخص مليينه تهز البنك لو زعل عليهم وسحبهاهز بنك هز لابد من التعامل معه بلك احترام واخلاق دخل الموضف الى المدير وقال المليون دير "الشيخ فلان"يريد مبلغ 80الف ريال قال المدير لحضه تذكر الشايب معه 80الف وبسرعه المدير توجه الى مكتب الموظف الذي يخدم الشايب وبسرعه اخذ الملبغ من فوق الطاوله وأقفا بسرعه الى الموظف يريد يعطيه المبلغ "الشايب"؟؟!!!! كان جالس على كرسي دوار ويد الشايب على الطاول ويراى الموقف وبسرعه الشايب رجع الكرس الى الخلف ونقز بسرعه والله ويصيح صيحه " تلج "في صدى البنك انا اخو من طاع الله" نوخذ بلاسلام" حاميه حراميه ومن ها الكلام الغير مرتب والله والشايب يمسك حلق المدير ويسحب الملغ من يد المدير ومن القوه يشعط ثوب المدير اثناء الموقف أشايب وهو ماسك ثوب المدير تخبرون موضف البنك يكون معلق بطاقه فيه صوره واسمه الشايب مع الصياح وسب البلغ وادخاله في كيس القهو ه كان ماسك فيده بطاقه المدير وادخلها في الكيس ومشى الشايب الى سيارة قبل يطلع من البنك الموظفين البنك والحراس وقف الشايب بكل احترام يريدون يفهمونه ياشايب الرحمن فلوسك عندنا هذا نظام في البنك ومن هلكلام الزين الشايب مطنش العالم قال الشايب اقول هذي ماهي فلوسي قالو بلا قال خلاص قضينا منبي خدمتكم وشره علي ارجعكم قال بس تعال وقع على انك استلمت فلوسك يقصدون السحب نقدي لان الفلوس بسم الشايب موجوده في البنك غير الي معه وبعد كل المحاول وافق الشايب وبسرعه سوو له السحب نقدي ومشى الشايب ومدير البنك :D:Dمشقوق الجيب والثوب رايح فيه ولاكن لابد يتحمل الموقف هههههه بعد ماتوفي الشايب وجدو اعياله البطاقه وذهبو الى البنك وسألو عن الرجل ووجدوه في بنك ثاني ودخلو عليه وقالو هذا موجدنا عن ابونا الله يرحمه قال المدير هو مات الشايب الله يرحمه وسرد لهم القصه من طقطق الى السلامو عليكم اتمنا تنال اعجابكم و الى قصة جديده من عطيب وفالك "الجنه: امين امين امين |
| الساعة الآن 07:50 PM |
Powered by vBulletin® Copyright ©2000 - 2026, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir