|
حل مشكلة صوت اللقلقه في مكينة الفورد السلام عليكم ورحمة الله وبركاته يشتكي بعض اصحاب سيارات الفورد من صوت لقلقه بالمكينه اذا شد على المكينه وهو ماشي والصوت يشبه صوت طقطقة البلوف مع ضعف في عزم المكينه وتزيد اذا المكيف شغال في الصيف حيث اذكر انني ذهبت الى احد المراكز المتخصصه في السيارات الامريكيه واخبرته بالمشكله قال نسوي لك تصفيه مع برمجة كمبيوتر لصوت اللقلقه ونعطيك ضمان شهر فقط على صوت اللقلقه واذا رجع الصوت تعال نبرمج لك مره ثانيه وخل السياره عندنا المهم سألت ميكانيكي اعرفه جزاه الله خير قال نصابين لا تصدقهم السالفه وما فيها اذا سوى لك تصفيه نظف لك البخاخات لان ترسبات الاوساخ في البخاخات تسبب ضعف ضخ البنزين في المكينه وهذا هو سبب اللقلقه والحل بسيط جدا اشتر علبتين منظف بخاخات stp الاصلي وصبه في تانكي البنزين ويفضل يكون البنزين في التانكي فوق النصف بشوي وبعد يوم تشوف الفرق وتنقطع اللقلقه وفعلا كلام صحيح وممكن تعود نفس المشكله بعد فتره وكرر نفس الطريقه هذا حل مشكلة اللقلقه الشائعه وقد تكون لها اسباب اخرى لا اعلمها لكن اكرر سالفة البرمجه اكتشفت انها غير صحيحه رغم توصيات اكثر اصحاب الورش بها نفس المشكله ممكن تصير في السيارات الثانيه وممكن هذا حلها لكن ماجربتها الا على الفورد . سبحانك اللهم وبحمدك أشهد أن لا اله الا أنت أستغفرك وأتوب اليك . |
| الساعة الآن 08:50 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir