السلام عليكم ورحمة الله وبركاته

اخواني الاعزاء ..مسيكم بالخير جميعا
كيف حال الجميع عساكم طيبين


قبل كم يوم كنت فوق السطح اشوف الحمام واعلفه ...وانا اعلفه ...ولا حميميج يطير فوقي باتجاه عماير جنبي ...بعد يمكن 10 دقايق سمعت هالصوت " كييك كييك كييك كييك " خابرين صوت الحميميج ههههه ...يوم فزيت وطالعت قلت في نفسي لايكون محول علي هالمسكين عقاب ولا شي ....يوم طالعت ولا 3 شراييص ...قلت في نفسي شالسافه منين اطلعو ؟؟؟ ههه ...قعدت اطالع واطالع ..ولا شفت واحد منهم ينزل الى الارض ثم طار ...وارتفع فووووووووق ...كان سبحان الله يهد شي من رجله ...معرفت شنو لكن الله العالم فار ولا طير صغير ...كان يطيرون الشرياصين فوق يحاولون يمسكون هالشيء الي طايح .. يوم قعدت وفكرت شالموضوع ...ولا تدرون شطلع يا اخوان ؟؟
ام تعلم فروخه الارتفاع والطيران ..قلت في نفسي لا اله الا الله ...سبحانك يا رب ..والله كان ودي اصور لكم لكن المنظر كان بعيد ولا يبين فالكاميرا .


فعلا كان اجمل منظر شفته في حياتي..معنه شراييص مو شياهين ولا حرار


تقبلو تحياتي
اخوكم
فالكن 1