منتدى استراحات زايد - مشكلة التاهو 2008 ltz الافادة يا اهل الخبرة

مساكم الله بالخير يالربع

انا عندي مشكلة غريبه بصراحة وهي بالتفصيل كالتالي :

أولاً .. سيارتي تاهو ltz فل كامل 2008
تم شراوها جديدة في نفس سنتها

الغريب بعد تقريباً 40.000 كيلو
طلع لي صوت غريب خصوصاً عند الهويات او المطبات
الصوت هذا كأنه حديد يحتك في بعضه

طبعاً وديتها الوكالة وقالوا راح نسويه لك وبالفعل طلعت السيارة وراح الصوت
ولكن رجع من جديد بعد تقريباً شهر أو شهر ونص
رجعت للوكالة وقالوا هذا الصوت يجي في اللومينا والتاهو والمشكلة نظام التعليق للسيارة

بصراحة طاولتني هالمشكلة والظاهر انه عيب مصنعي لاني كل ما سويته رجع من جديد

المهم وديت سيارتي بالصدفة الى واحد يسوي تربيط وقلت له المشكلة
قال هذا عمود الكردان لازم كل فترة ينفك ويتنظف من ناحية الرقبة اللي تدخل في القير ويتشحم

وبالعفل ما عاد صرت اروح للوكالة كل ما رجع الصوت وديته لراعي التربيط وفك العمود ونظف الرقبة وشحمها ويروح الصوت

بس المشكلة الان السيارة جديدة وهذا يعتبر عيب مصنعي

هل يوجد حل لهذه المشكلة نهائياً أو لا

تحياتي لكم جميعا واتمنى ان الصورة وضحت للجميع

ارجو الافادة لمن لدية علم بذلك