#poem_4f29776f15a9a td { font-family: Tahoma, Verdana, Arial, Helvetica, sans-serif; font-size: large; font-weight: bold; } تواعدو بالطيب والنوماس باطراف النفود في مسابقة قبل البداية بالنجاح مكلله كل(ن)نقل طيره على كفه وهاقي به سنود ياسعد من طيره اليا اشتد الزحام يجمله قام بتكاليف السباق ونسقه نسل الفهود محمد الحواسي لومانمدح اللي نجهله لكن فعله طيب والطيّب ياجعله فالوجود واكيد له ساس(ن) جويد وعد صافي ينهله يوم احتمى الموقف وثار … وحك راس العود عود بانت فعول طيور ربعي وأفردو بالاوله ربعي مطير … ومن على نجم الجدي يبغى شهود دليل للسارين والثاني رفيع المنزله دهام ياطير السعد فعلك ينومس وامْحمود ماتهت عنها لو تتوه اعْن الشمال البوصله تحتر من فعلك كبود وتبرد بفعلك كبود احد(ن) تنكّف بالفرح واحد(ن) تنكّف بزعله جتك الوفود من الحفر … بالله وش عند الوفود لو حملوك من الذهب باب المساوم اقفله نوماس ربعك يابونايف مايوازا فيه فود والرزق يامحمد من الله والله اللي يكفله طير(ن) ينومس صاحبه بالفعل قدام الحشود تكفى ياراع دهام غيرك لو دفع لا ينقله