|
سالفة:صندوق العابي..قوافي السلام عليكم ورحمة الله وبركاته حياكم الله اخواني واخواتي وزوار خيمتنا الكرام اليوم فتحت صندوق الدنيا صندوق العابي من صنع جدتي لوالدي وانا بعمر 4سنوات وما زال عندي رغم وفاتها المبكره رحمها الله واسكنها فسيح جناته وكل غالي قابل وجه ربه الكريم اللهم آمين صندوق شاهي ربيع يوم كان خشب جدتي الغاليه لبسته لي من قماش زائد عن ماتحتاجه لجلال الصلاة او ثوب الصلاة وزينت الصندوق من الداخل وكأنه بيت فيه مجلس ومطبخ ومكان للنوم .. وسوت لي من الخشب عائله تكونت بالبدايه من الاب بردتزان واللذي جاء من القريه ليشتغل بالوزاره ويصير عنده راتب ثم تزوج ابنت الجيران بيدجانه وصار عندهم عيال< قرنفل. ودارسين. وهيل> صنعت لي هذه العائله من صندوق شاهي آخر والبست الرجال قطعه بيضاء على الراس يعني غتره ولفت العود بقطعه صفراء يعني ثوب والبستها قطعه بنيه صار مشلح.. والحرمه نفس الشي بس حطت على الراس شيله يعني شعر وجدايل والبستها قطعة قماش من نفس بطانة الصندوق الباقيه من جلال الصلاة وصارت ثوب حلمت بلبس مثله بيوم من الايام.. والعيال مثل ابوهم باللبس لكن اختلفت المقاسات من صغير وكبير.. تذكرت وهي تسولف عن بردتزان وهو يناضر بيدجانه كل يوم الصبح وهي تحط العلف للغنم بشبك قدام الباب وانه كان يدعي ان ربي يعطيه حرمةٍ سنعه مثل بيدجانه ترعى بيته وعياله وتربي الغنم .. وان بردتزان يوم خطب بيدجانه ابوه عيا وزعل بردتزان وصخن يعني طاح مريض الين صارت قشرته صفراء من الجفا وراهم يردونه وبيدجانه الضعيفه صارت سوداء من قل الاكل بالنهايه اقتنع ابوه واسمه< قرعه> ببردتزان وزوجه بنته وجابو اللي شدني بذكرى الصندوق ان جدتي كانت تحكي عن الحياة وما يجري بها من وفاق تقارب وتباعد رغم اننا صغار لكن كانت تحكي ونسمع رحمك الله ياغاليه.. تحياتي اختكم ..قوافي.. |
| الساعة الآن 08:21 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir