يا أدارة مكشات كاميرات بعض الاعضاء تخدعنا .
 

ايش يعني ادخل على موقع مكشات الموقع الثقه
عشان استدل على مكان اقضي فيه ايجازة اسبوع
والاقي عضو يكذب علي بموضوعه با أنه طبخ كبده هناك او ذبح خروف او تيس بهاك المكان وبتاريخ معين .
ويحط صور وتصاوير وتواريخ
واذا مني رحت لذاك المكان اجد المكان والموضوع كله كذب في كذب والرجال يزهب الخضار بالفوتو شب ثمن يحطها بالمنتدى.

اليوم انا رحت لروضة الخفس وكلها شهبا دهما لافيها شي ولا فيها منظر تقول منطقه حربيه والصور اللي شفتهاغير واللي بموقعنا غير

وانا رحت بناء على تقرير من احد الآعضاء حط صور لزيارته للمنطقة12/2/1433.

اقسم بالله وكتابه الكريم من الظهر اني الحين بروضة الخفس مخيم (موتر هوم ) ولفيت على المنطقه كلها من مفرق الطوقي الين (البسيتين ) ولا شفت صوره تتطابق مع اللي تطرح بالمنتدى وخصوصا اسبوعين من الآن.

لاتزيدون الخضار بالصور ثمن توهقون عباد الله .

وانت ياللي بازن بكميرا تزيد الملح خف الله فينا .

الله يعلم بنيتي من طرح الموضوع اني ابغا الوضوح.