منتدى استراحات زايد - سالفة:زائر الليل..قوافي

السلام عليكم ورحمة الله وبركاته
حياكم ربي اخواني واخواتي وزوارنا الكرام
زائر زارنا بالليل دون دعوه او عزيمه !!وتسلى على خطف دجيجات الوالده حفظها الله ولم يرجع لنا عظمه او ريشه اختفت دون عوده :eek:
اطال الله بعمرها والدتي الغاليه لايمكن تخيم بالبر من غير ان تاخذ الدجاج ليعيش الطبيعه وللمزيد من الاطمئنان انه لم ينام دون عشاء..
مع اشراق الشمس نبدء الكر والفر مع الدجاج وين راحواللي تحت تانكي واللي منلفتزه بخيمه واللي حدر سياره واللي حدر الحطب وكل يوم ياميمتي وش تبين بها الدجاج تعبنا من ملاحقهم غير أذان الديك قبل الفجر يخلي الواحد ياقف على فراشه من الروعه وهو بعز نوموه او تجيك المدام دجاجه تبي تبيض ورى رواق الخيمه همن ..كككككككك تبيض انت ماباضت:mad::mad:
قمنا الصبح وحده من السيدات مختفيه والثانيه ثاني يوم همن الثالثه ..
بالليل ولين نام الجميع وصار هدوء مع طفية الماطور في هذا الوقت احب الجلوس على اعلى مكان قرب الخيام وأكحل عيناي بالبهاء :fوبمره ما دريت إلا وبزائر الليل قرب الدجاج واختطف واحده وركض يالك من حرامي ياسيد حصني :D
بكره حطيت له تونه على جنب لعله ياكلها ويترك دجاج امي مافاد اكل التونه واخذ دجاجه وراح:p
بصراحه شكله حلو واعجبني ماودي يذبحونه لو درو ومن بكره بدل علبة تونه حطيت ثلاثه وقعدت بعيد اراقب من غير ولا حركه وكان الجو تجمد من شد البرد جا وأكل التونه وراح
قلت زين كلها يومين بحط له تونه ولا يظيق صدر امي على الدجاج وفعلاً حطيت ثاني يوم اربعة قواطي كبار واليوم اللي بعده كذالك ..
كنت احسب اني انا اللي اراقبه وهو ما يشوفني لكن اخر ليله اكل التونه والتفت للمكان اللي اقعد فيه من غير ولاحركه لين تجمدت وقعد يناظر ووقف يجي له نص ساعه يناظر بعيونه اللماعه ثمن راح والغريب انه يوم جينا نرجع الظهر واقف من بعيد وكأن الدور عليه يراقب حركتنا!!! فقررت افك له باقي علب التونه فقد اصبح رفيق مكان وربما صديق رغم انه حيوان..
تحياتي
اختكم
..قوافي..