الغش التجاري في بنده ... ادخلوا بسرعه قبل لاتطيحون فيه
 

بسم الله الرحمن الرحيم

السلام عليكم ورحمة الله وبركاته

البارح كنت في بندة بمدينة جدة وكان في عرض بمنشورات لبنده على رز باب الهند كلاسيك ب49 وهللاتهم اللي توصل لل 95 هللة ههههه
ويعطونك على كيس ال5 كيلو هدية كيس صغير من نفس الرز

المهم مدري وش خلاني اركز على سعر الرز عند الكاشير الا هو حاسبه ب57 ريال

قلت ليش انتم تقولون ب49 ريال ومعه هدية وانا نسيت الهدية قال معليش سعر ال49 لازم تاخذ الهدية ونحسبه ب49 ريال والحين نروح نجيب الهدية
وراح ورجع وقال معليش الهدية خالصة قلت طيب اعتبرني اخذت الهدية ورميتها بالزبالة
ليش هالنصب والمفروض اخذ الغرض ببلاش لان السعر مختلف عن العرض قال هذا اللي عندنا طبعا لاكان في مشرف ولاشي وانا بصراحة منت مستعجل وماني رايق للنقاشات
وطلعت
فانتبهوا ياخوان ترى مو عيب الواحد يدقق على الريال



في ملاحظة دايم اشوفها وابي من شافها يقوله

لما تجي تحاسب عند اي بقالة تطلع الفلوس وتعطيها العامل يقوم يعدها ويتاكد منها ويحطها فالدرج ويطلع لك الباقي ويعده قبل مايعطيك اياه واذا جيت تعد بعده ناظرك نظرات توحي بما معناه انت مخونني ... ياسلام حلال عليك وحرام علينا


واسف على الاطالة