الباترول يقطع بالخط واحيناً يتفتف المشوره لا هنتم !!
 

السلام عليكم ورحمة الله وبركاته

عندي باترول موديل 99 سوبر سفاري بخاخ الممشى 300الف تعطل علي قبل شهر الكمبيوتر وحطيت له موضوع www.mekshat.com/vb/showthread.php?t=468041

و شريت له كمبيوتر مستعمل واشتغل عادي الحمدلله
ولكن طلعت فيه عله ما كانت موجوده من الاول

الموتر يمشي ويقطع او يتفتف ودعسته ثقيله المكينه توصل 3.5 لكن ما يمشي زين
وطبعاً والسياره واقفه احيناً يكون فيه رجه واحيناً لا

فحصته كمبيوتر قالو حساس الفلتر و الثروتل يبيلهم تنظيف و يبيلك تصفيه

نضفتهم و ركبت بواجي و اسلاك بواجي وركبت فلتر بنزين خف معي التقطيع لكن يرجع ويختفي، خاصه اذا صار الموتر بارد مثل الايام الي راحت يكون الموتر ولا احلى منه واذا صار الجو حار شوي يرجع يقطع ودعسته ثقيله

فحصت كمبيوتر في ورشه ثانيه قالو لي يمكن حساس الفلتر يبيله تغيير او ان الطرمبه ضعيفه اذا احترت ما تشتغل زين

وحتى الان محتار وش علته لاني رحت لاكثر من ورشه اكثرهم يتعجب ويعتذر

وش الاسباب الي تخلي السياره تتفتف او تقطع خاصه لمثل هذا النوع من السيارات

وهل احد سبق ان حصل له مثل ما حصل معي او مشابه لعطل سياراتي

شاكر ومقدر