يا اهل الباترول وش الحل مع القرقعه بالبيبان مدري بالطبلون
 

السلام عليكم ورحمة الله
فزعتكم يالربع
انا توني شاري باترول 92 سوبر سفاري
والله اني ماعرف فيه شي جيت اشغل المكيف الخلفي على الحار ماعرفت الي يعرف يقولي
المهم والزبدة
ان السياره ممتازة لكن اذا مشيت بشارع فيه مطبات تسمع القرقعه ولا تدري من وين
رحت وشلت كل المكاين حقات القزاز مع ديكوراتهم وحطيتهم على جنب
وشلت الغطاء حق الباب وربطت الاسلاك الداخليه بالباب والاسيام حقت يدة الباب حطيت تحتها
اسفنج لانها متحركه المهم ولبست الباب ورق شفاف ولزقته بباتكس علشان مايجيب علي هواء
من الباب وحولت الشبابكين هندل
اهز الباب هز جامد ماتسمع لاقرقعه ولا شي وبعد ذالك المفاجاة
امشي ويوم اوصل مطبات صغيره مره تسمع القرقعه كان الابواب متفككه وهي مافيها شي
ومرات واوسوس واقول القرقعه من الطبلون
ياليت الي عنده خبر عن هالموضوع يفيدني
او اغير له مساعدات ويايات ولا وش اسوى علشان ماياكل مطابات
بعدين الجيب هاجد عند الجيوب الثانيه ماهو مرتفع وشكل مساعداته وياياته رايحه فيها
الزبده ابي مشورتكم بخصوص السياره وش اسوي فيها بأنتظار اي رد منكم
ومتابع بالدقيقه والثانيه لين احصل حل
تصدقون فكرت اني اشيل البيبان وامشي فيه واتسمع فيه قرقعه ولالا هههه