اخيرا حققت الحلم وشريت الشاص :)
 

مرحبا شباب ،

من زمان وانا اسمع الكل يمدح في الشاص ولي فتره محتار بين شاص النيسان والجمس والهايلكس وال..وال .. وال ..

بس من منتدانا الغالي شفت ان اكثر اهل المكشات ما يعدون الشاص التيوتا للبر والطلعات .. انا طبعا عندي والحمدلله لاندكروزر بس ابي شئ للخيل والطلعات يكون حوض وقلت اخيرا باتكل بالله واشتري ملك المكشات الشاص.

المهم قولوا ماشاء الله وباركولي بالشاص الابيض جديد .. كنت باخذ 2012 بس اغلب اهل الشاص قالوا فيه مشاكل وحصلت واحد بكل مواصفاتي 2011 وخلصت عليه.

انا عندي في اللندكروزر الونش ما مره استخدمته فقلت خلاص دام اني مالقيت شاص بونش ودفلك الا خليجي بزياده كثير ، بفك الونش من اللند واحطه على الشاص .. احد عنده تجربه في كيفية تركيبه على الشاص يعطيني خبر.

انا ابي اجهز الشاص للبر وابي نصايحكم شسوي فيه .. طبعا اهم شئ عندي خزان المويه والبطاريه الاضافيه ، عطونا نصايحكم!

طبعا انا من الاحساء في الشرقيه واكثركم يتكلم عن محلات في الرياض .. اذا احد عنده محلات في الاحساء او على الاقل الشرقيه لتجهيز السيارات حق البر ، يعلمني.

اشكركم واتمنى كل طالب مراد يلقى مراده قريب :good2:
تحياتي
الخيال