مشكله في سيارتي البرادو 2011
 

السلام عليكم ورحمه الله وبركاته

انا عندي مشكله في سيارتي برادو 2011 اربعه سلندر ، المشكله هي اذا عشقت القير على وضع ال d تصير في السياره نفضه مزعجه باللحيل وديتها للوكاله قعدت السياره في الوكاله لمده يومين ثم اتصلو علي قالو عرفنا المشكله وراح نحلها ويمكن تستلمها بكره ، مالكم في الطويله قالو المشكله انو في عمودين حقت التبريد قدام الرديتر يقولون انها ملتصقه في بعض وهي اللي تسبب الصوت قلت ممكن ليه لا. جيت من بكره لهم واستلمت السياره خف كثير الصوت ولكن بعد ما طلعتها من عندهم وقعدت ثلاثه ايام رجع الصوت والمشكله اللحين اذا دقيت السلف الصباح فيه تفتفه بالسياره شوي وتطفى ثم تروح هذا اذا صارت السياره بارده وفي بدايه تشغيل السياره ، اللي عنده خلفيه عن الموضوع بالله يسعفني عشان اروح للوكاله واقولهم العيب من الشي الفلاني صلحوه ياليت تفزعون يا شباب


علما ان الكراسي للقير والمكينه سليمه والبواجي ايضا واسلاك البواجي والكويل كلها بعد تشييك الوكاله قالو عنها ما فيها مشكله.

ولكم تحياتي

×