اكتشفت شي بجهازي c905تعالوا اسمعوا قصتي
 

السلام عليكم اخواني اعضااء المنتدى الجميل :broken: صوره القلب عشانكم

البارح على ضوء القمر وجلسه الحوش اللي ماتنمل وطلوع القمر وبزوغ نجوم الليل واسواليف امي

اللي ماتنمل وذاك الصوت الشجي اللي كل ليله تغنيه شوفوا غزالان ياعرب اسمها رزان من زينها

غطت على من يماريها وهي تشجي وتغني وتقول بتخطب لي بنت فلان وفلان وفلان ماخلت احد

من اللي تعرفهم كل ماراحت عرس قالت لقيت بنت مزيونه بخطبها لك صار لي عشر سنين وهي

تقول هالحكي وللحين اتحرى المزيونه اللي اسمها رزان وجالس اداعب امي وقول ورى ماتجوزين

الشايب وتجيبين وحده تساعدك هبت فيني ورمتني باللي بيدها ويوم رمتني طفى الكهرب

حيث اني اسكن مكه حي الشرائع مخطط 7 ويوم طفى الكهرب ماتشوف الى النور الساعه تخيلوا ا


الواحده بعد منتصف الليل والله وكل شي ظلام البيت جوه يخوف والوالد نايم وقام يذكر الله ويستغفر

الله يكفينا ظلمه القبر قمت ورحت لغرفتي وانا مره اصدم بجدار مره بالتلفزيون مره ادخل الحمام

بعد جهد جهيد دخلت الغرفه حقتي واخذت جوالي وشغلت شاشته وبعدين جاني ولد اختي الصغير

العبقري وقال ياخالي سو مثلي شو ف وش سويت بجوالي وسويت مثله

شغلت الفديو وفكيت الغطاء وضغطت الفلاش والله ثم والله انها كبس ولع البيت كله ولد اختي استغرب

قال خالي فلاشه قوي وبيتنا كله طلع شرقه ودخلت على الوالد وانا ماني مصدق واضح وساطح

يبهر صراحه دخلته علىامي قالت معك كشاف قلت لا هذا جوالي قالت الجديد اللي توك شريته

قلت ايه قالت ماهو خساره ياوليدي وجلست تكشف فيه يجي ثلاث ساعات تخيلوا

وبعدها رضت عن الجوال هذا وقالت لي ابي مثله لو طفى الكهرب وانا اصلا مدلع الوالده

كل ماشريت جوال ومليت منه عطيته امي واخر جوال عندها لمس وهي ماتفهم فيه اخر شي

ضربت به الجدار قالت جب لي جوال ابو ميتين المهم يوم شافت طويل العمر ونوره

استانست قالت انا افكر ياوليدي اسوي لك محل جوال وتبسط فيه ابرك وسمننا في عكتنا

الحين دريت عن فايدته اخخخخخخخخخخخخخخخخخخخ المهم شباب

والله شباب جرب طفي النور وشغل الكاميرا على فديو وفك غطاء الكاميرا وتضغط الزر وعطني رايك

هذا والله اللي كشفته البارح

ودمتم