|
(((((( يااهل القنص )))))) حل البراد وزان وقت المظاهيـر وسهيل في عرض السما له ليالـي والقاع خضّر وأضحكن النواويـر فيه ام سالم تصدح الصوت عالـي يأهل التفق نادوا على ناقل الطيـر كـلٍ يجهـز عزبتـه والدلالـي اللي معه شاهين واللي معه جيـر واللي معه حـرٍ يـروم المعالـي واللي معه روجر وعطفه مسامير واللي معه شوزن بنللـي ايطالـي يأهل القنص كلٍ على شفه يسيـر ويسجها شرق وجنـوب وشمالـي وانا اتمنى خوة اللي بهـم خيـر نطاحة الواجب زحـول الرجالـي أضرم على المقناص وهوايتي غير لاشفـت صيـد البـر ياهملالـي كييـف بـن فـي دلال مباهيـر ماينعشـه ياكـود نجـرٍ يلالـي أخذ سلاح الصيد وأسـج وآغيـر اليا انطلق بارودها سـاح بالـي الاعب البندق مابيـن الصقاقيـر في موقـعٍ مابـه ولايـه ووالـي عيدي وفيـدي خوتي للمناعيـر يزيدني تشريـف ويسـر حالـي وحظ الفتى لاطاب يدهن له السير المـر لـوه مـر خـلاه حالـي والعكس يجذب له مهونه وتقصير لو كـان الاول رجعـه للتوالـي وتقبلوا ود طويل خطام (( بحر )) |
| الساعة الآن 08:03 AM |
Powered by vBulletin® Copyright ©2000 - 2026, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir