لكل جواد كبوه .. وهذه كبوتي
 

<div>بدات القصة بعد صلاة العشاء:

رحت للبيت بعد صلاة العشاء وكنت ابي انجز عمل على الانترنت وبينما انا منهمك بالعمل دخل اخوي البيت واستغرب انه جاء مبكر بالعاده يجي بعد الساعه 12 ليلا

نظرت إلى الساعة واذا بها تشير إلى 1:57 ص ...

استغربت وقلت يمكن انها مخربطة لاني للحين ماتعشيت بعد .. ركبت سيارتي واستغربت الساعة ايضا 2:00 ص ..

وقلت ياتلحق ولا ماتلحق

ومالحقت ولا على اي مطعم

خاب ضني ورجعت اجر اذيال الهزيمه

وقفت عند سوبرماركت القريب وقلت اخذ اي شي اسد به جوعي

رحت عند العصيرات وشفتها .. وياليتني ماشفتها

قربت عندها وماقدرت ابعد عنها .. لانها طعامي المفضل (( دجاجه ))

اخذت وحده وتوجهت للبيت .. وانا بالطريق لقيت مطعم فاتح وندمت وقلت ارجعها .. ماارجعها .. ارجعها .. ماارجعها

اخر شي قلت ماارجعها ليه مانجرب نكبسها ورحت للبيت

وبديت بالشغل وكلها نصف ساعة والامور زاهبه

(( طبعا اخر كشتتين مع الشباب انا اللي طبخت وسموني عقبها الشيف مشاغب شوي ))

كبستها بالضاغظ وربع ساعة ورفع الضاعظ صافرته

احسست بالجوع وبالخوف في نفس الوقت

تذوقت الاكل .. لاباس به

بدات بالاكل وماجاز لي الوضع

بديت اجامل عمري إلى ان وصلت إلى مرحلة توقفت عن الاكل

واخرتها تعشيت على خبز

وبدت لحظه معاناتي

لحظة الغسيل