|
كـــــــذذبــ ـااالــــــــررج ــــــاااا بسم الله الرحمن الرحيم 1 وحدة طفشانة وزهقانة تدخل الشات باسم جذاب وتستهبل في الدردشة العامة وتجيها طلبات كثيرة على الدردشة الخاصة تقبل واحد من الشباب يتكلمون يدردشون كل واحد يظهر للثاني احلى ماعنده يتقابلون ثاني يوم تخرج اللي في قلبها من مشاكل له وهو يغرقها بحنانه وعواطفه 2 يتقابلون ثاني اسبوع ويعرض عليها المسنجر توافق صار الكلام بينهم اكثر حرارة وعاطفة بعد كم شهر يبدأ الكلام الجنسي 3 بعد شهور من التعود والادمان يطلب منها تشبك الكاميرا ترفض يقول ليش ؟ أنتي تشكين فيني تقول لا لكن مااقدر يجلس يقنهعا لين توافق .. وبتوافق في الاخير لانها هي ودها تشوفه ويشوفها واذا ماوافقت يقول لها اوكي .. يمكن هالمسنجر يكون آخر لقاء بيني وبينك تنجن .. ماتقدر تستغني عنه ..لانه بالنسبة لها مثل الهواء والماء توافق تشبك الكاميرا تعجب فيه ويعجب فيها بعد كم اسبوع من التغزل بجسمها يطلب منها انها تكشف بعض الاجزاء بجسمها وبعد التمنع والدلال تكشف كل شي وتخلع ثياب الحياء وبعد اسابيع .. صاروا يمارسون الجنس قدام الكاميرا 4 الحين صارلهم ست شهور من تعارفهم يطلب منها انه يشوفها برغم انه بمدينة وهي بمدينة ثانية وبعد الاقناع والترغيب والترهيب .. توافق انه يشوفها بالسوق يشوفها ويعجب بجمالها ويتغزل فيها بعد كم اسبوع يطلب يشوفها بسيارته بعد الاقناع توافق 5 بعد كم اسبوع يطلب يشوفها بفندق ويعطيها العهود والمواثيق انه مايقربها وفي الفندق يلتقون بجو رومانسي وبعد مايتعاطون كأس الحب والغرام تلقى البنت نفسها بوادي ثاني وتصحى وقد أريق دم العفة وانسكب ماء العفاف تبكي تصيح تقول له اش سويت يقول لها انتي السبب انتي اللي اغريتيني انتي اللي وافقتي ومامنعتيني وانا ماغصبتك ولا خطفتك تعرض عليه الزواج يقول انا متزوج تقول له حرام عليك ماتخاف من الله يقول لها وانتي ماخفتي من الله يوم طلعتي معاي تروح بيتها وهي فاقدة اغلى شي في انوثتها وهو يروح يبحث عن ضحية ثانية 6 وفي بعض الذئاب اذا عجبته الضحية يمثل انه موافق على الزواج ويوعدها ويمنيها ويستمرون في المكالمات ودخول المسنجر والشحن الجنسي وبعد كم اسبوع يقول نتقابل ترفض يقول .. انتي تشكين اني باتزوجك تضطر تقول لا ما اشك يقول خلاص هي كلها كم شهر اجمع المهر واجهز الشقة واخذك بس الحين لازم نتقابل ترفض يزعل تخاف من زعله وهروبه توافق يتقابلون ويحصل نفس السيناريو وتمر الشهور والسنين وهو يماطل وهي تخاف تزعله وكل ما شعر بحاجته لدخول الحمام اتصل عليها حتى يجي يفرغ قذارته في مرحاضها ويسحب عليها السيفون 7 وتستمر القصص بنفس الاحداث ونفس الشخصيات ٍٍّّ وقـــفـــات ٍٍٍّّ الوقفة الاولى {يَا أَيُّهَا الَّذِينَ آمَنُوا لَا تَتَّبِعُوا خُطُوَاتِ الشَّيْطَانِ وَمَن يَتَّبِعْ خُطُوَاتِ الشَّيْطَانِ فَإِنَّهُ يَأْمُرُ بِالْفَحْشَاء وَالْمُنكَرِ } كل وحدة من البنات اللي مشوا بهالطريق ماكانوا يتصورون انهم بيوصلون لهالنهاية المأساوية كان الموضوع كله استهبال وتضييع وقت لكنهم مايدرون انها .. خطوات كل خطوة توصل للخطوة اللي بعدها الوقفة الثانية فيه فئة من الشباب اللي في الشات .. صيادين وذئاب يملك الكثير من المقومات اللي تغري البنات مثل الشكل الرزة والوسامة والثقافة وخفة الدم والكلام الحلو والمال والمعرفة الكاملة بالنواحي الجنسية ويداومون يوميا بأسماء مختلفة في الشات وكل مادخلت بنت باسم مغري وجذاب طلبوها على الدردشة الخاصة ونصبوا شباكهم حولها ويجمعون عشرات البنات ويحطون في بالهم انهم على الاقل بينجحون مع اربع منهم كل وحدة يطلعون ويوسعون صدرهم معاها في نهاية الاسبوع ويتركونها وياخذ الثانية في الاسبوع اللي بعده والبنت ماتقدر تشتكي لانها هي احد الاسباب لان الشاب مااختطفها ولا اغتصبها والشهر اللي بعده يشوفون صيدات ثانية ويبقى الذئاب مثل ماهم .. مفترسين وبدون اخلاق ولا دين وتبقى النعاج مثل ماهي .. مغفلة وساذجة الوقفة الثالثة الى الاخت المتمسكة بحبيبها رغم انها تمارس الجنس معاه بالحرام .. باسم الحب على وعد انه يتزوجها احب اقولها ترى اسمك في الشرع هو .. زانية .. واسمه في الشرع هو .. زاني والله عز وجل يقول : {الزَّانِي لَا يَنكِحُ إلَّا زَانِيَةً أَوْ مُشْرِكَةً وَالزَّانِيَةُ لَا يَنكِحُهَا إِلَّا زَانٍ أَوْ مُشْرِكٌ وَحُرِّمَ ذَلِكَ عَلَى الْمُؤْمِنِينَ} يقول عز وجل : {الزَّانِيَةُ وَالزَّانِي فَاجْلِدُوا كُلَّ وَاحِدٍ مِّنْهُمَا مِئَةَ جَلْدَةٍ وَلَا تَأْخُذْكُم بِهِمَا رَأْفَةٌ فِي دِينِ اللَّهِ إِن كُنتُمْ تُؤْمِنُونَ بِاللَّهِ وَالْيَوْمِ الْآخِرِ وَلْيَشْهَدْ عَذَابَهُمَا طَائِفَةٌ مِّنَ الْمُؤْمِنِينَ} الوقفة الرابعة يقول عز وجل : {.. وَلَا يَزْنُونَ وَمَن يَفْعَلْ ذَلِكَ يَلْقَ أَثَامًا . يُضَاعَفْ لَهُ الْعَذَابُ يَوْمَ الْقِيَامَةِ وَيَخْلُدْ فِيهِ مُهَانًا} وفي البخاري : قال صلى الله عليه وسلم : [ .. فقال لي الملكان : انطلق انطلق فانطلقنا ، فأتينا على مثل التنور ، فإذا فيه لغط وأصوات قال فاطلعنا فيه فإذا فيه رجال ونساء عراة وإذا هم يأتيهم لهب من أسفل منهم فإذا أتاهم ذلك اللهب ضوضوا قال قلت لهما ما هؤلاء ؟ فقالا هؤلاء .. الزناة والزواني ] أسألك بالله هل تسوى اللذة اللي لقيتيها معاه .. هل تسوى انك لأجلها يضاعف لك العذاب يوم القيامة وتلقين الاهانة في الاخرة اصحي شوي قولي لنفسك .. بسسسسسسس .. يكككككفي ... خلالالالالالالاص لن امشي الخطوة اللي بعدها قولي لنفسك خلالالالالاص .. هذا آخر عهدي بالحرام الوقفة الخامسة لو تبتي الى الله توبة نصوح صادقة خالصة لله وندمتي على كل لحظة عشتيها في الحرام وعاهدتي نفسك ماترجعين لهالطريق ابد وكان الموت عندك اهون من الرجوع للحرام فابشري بقبول التوبة .. وتبديل سيئاتك كلها حسنات {إِلَّا مَن تَابَ وَآمَنَ وَعَمِلَ عَمَلًا صَالِحًا فَأُوْلَئِكَ يُبَدِّلُ اللَّهُ سَيِّئَاتِهِمْ حَسَنَاتٍ وَكَانَ اللَّهُ غَفُورًا رَّحِيمًا} وكلنا اصحاب خطأ وقديما عصى آدم عليه السلام مع انه ابو الانبياء لكنه تاب عليه السلام واجتباه عزوجل قال تعالى : { وَعَصَى آدَمُ رَبَّهُ فَغَوَى} {ثُمَّ اجْتَبَاهُ رَبُّهُ فَتَابَ عَلَيْهِ وَهَدَى} وتعرفين قصة اللي قتل مئة شخص وتاب فغفر الله له وحصل في عهد الرسول صلى الله عليه وسلم بعض الكبائر مثل شرب الخمر والزنا وتعلمي من هذه الصحابية التائبة الطاهرة التي تابت من الزنا فقبل الله توبتها في صحيح مسلم عن عمران بن حصين : أن امرأة من جهينة أتت نبي الله صلى الله عليه وسلم وهي حبلى من الزنى فقالت يا نبي الله أصبت حدا فأقمه علي فدعا نبي الله صلى الله عليه وسلم وليها فقال ( أحسن إليها فإذا وضعت فائتني بها ) ففعل فأمر بها نبي الله صلى الله عليه وسلم فشكت عليها ثيابها ثم أمر بها فرجمت ثم صلى عليها فقال له عمر تصلي عليها يا نبي الله وقد زنت ؟ فقال ( لقد تابت توبة لو قسمت بين سبعين من أهل المدينة لوسعتهم ) الوقفة السادسة نفسك .. اذا ماشغلتيها بالخير .. بتشغلك بالشر اشغلي نفسك بأي شي ينفع جسمك وروحك ومن الاشياء اللي تشغل الجسم .. المشي والرياضة .. لانها تشيل كل التوتر اللي باجسامنا ومن الاشياء اللي تشغل الروح .. التسجيل في اي دار للقران الكريم وحضور دروس الخير ووضع جدول لك تتنفسين فيه الهواء النظيف ومابتلقين الهواء النظيف بأي مكان فيه معصية بالعكس بيزداد قلبك ضيق ..وبتزداد نفسك هم الوقفة الاخيرة الله يسعد قلبك وينور دربك ويغفر ذنبك ويملا صدرك بالنور وحياتك بالسرور الله يهدينا ويســــــــتر على بنات المسلمين ويحميهم من ذئاب البشر وأتمنى ان تقبلوا بنصيحتي لكم يابنات اللي يحبك ويخاف عليك ويبيك كزوجه له والله العظيم ماراح يرضى تكلمينه ولا تطلعين معه من ورى أهلك راح يتقدم لك مهما كانت الصعوبات ولايقولك خلينا فتره نفهم بعض كلها كـــــــــــــــــــــــــــــــــــــــــــــــــ ــذب اللي يبيك مستحيل يرميك بالوحل ويمشي ويتركك فكرووا بعقولكم وانسوا قلوبكم لآن هي اللي تدمرنا نمشي وراها ونحب وهم يلعبون.. مايدرون أن ربي يمهل ولايهمل وراح يفضحهم مثل مايفضحون بنات الناس.. آسفه عالآطــــــــــــاله تحياتي للجمــــــــــــــــــــــــــــــــــــــــــــــ ــــيع منقووول لتعم الفاااائـــــــــددددة |
موضوع أكثر من رائع وللأسف شيء وأيد شباب الحين يلعبون ع البنات وفـ الاخير ما يتزوجونهم والبنات لازم يأخذون عبره من هالموضوع ربي يهدي الجميع وتسلمين غنآتي ع الموضوع الجميل |
tslmeeen 3 elmaw'9o3 fe 8mt elrw3h |
تسلمين أختي الموضووع في قمه الرووعه والله يعطيج العافيه وبإنتظار ان تزين هذه المساحات بالمزيد من سخاء هذا القلم وألوانه الراقية أخوك وليد الجسمي |
هلاا الغــــلاا .. مشكووره ع الموضووع الغــااوي .. الله يعطيج العاافيـــة .. نترياا يديدج الغاليــة .. تقبلي مروري .. |
| الساعة الآن 03:53 AM |
Powered by vBulletin® Copyright ©2000 - 2026, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir