ترهيم قز كولمان Coleman الشنطه لتسريع غليان الماء + زيادة تركيز الشعلة
 

بسم الله الرحمن الرحيم

السلام عليكم ورحمة الله وبركاته

اقدم هذه الفكرة لاعضاء مكشات وخصوصا اصحاب القز الكولمان اللي عيونه مثل اللي بالصورة
هالفكرة تسرع غليان الماء وتزيد من تركيز الشعلة وتفيد بحماية الشعلة من الهواء والاهم انها ما تكلف واجد

اللحين التنفيذ:
اولا: نجيب مغرفة شوربة ستيل
ثانيا: نروح للمخرطة يفتح لنا فتحة بوسط المغرفة قطرها 23 ملم
ثالثا: نقص ذراع المغرفة ويتكون عندنا هالشكل
رابعا: نفك مسامير عيون القز ونحط المغرفة تحت العين ونربط المسامير
وهذا الشكل النهائي للقز بعد الترهيم
واللحين وقت التجربة والتأكد من فعالية الشعلة وتركيزها على غليان لتر من الماء
الرقم 1 هو وقت الغليان قبل الترهيم
والرقم 2 هو وقت الغليان بعد الترهيم
مع العلم ان التجربة كانت بالصبح والماء كان بارد
وهنا صورة للشعلة كأنها شعلة قز البانزين طبعا اللون احمر بسبب احمرار القطعة المرهمه لكن مركز الشعلة ازرق

وفي الختام اتمنى للجميع التوفيق
وانصح ان الواحد يحاول يتعايش مع اللي عنده ويطوره ويخليه يخدمه
منها الناس تستفيد وهو يستفيد باذن الله