ترهيم قاعدة مغناطيسية لكشاف led, 10w, 12v/220v
 

السلام عليكم ورحمة الله وبركاته

اولا اشكر الاعضاء المنتجين في هذا المنتدى من الذين لا يبخلون علينا بالحلول والافكار الرائعة

فأردت أن أشارك ولو بالقليل بطرح فكرة بسيطة لتثبيت الكشاف LED 10W 12V/220V الصغير بقاعدة مغناطيسية والهدف لتسهيل تثبيته وفكه من الموتر وبنفس الوقت تقدر تتركه مثبت على السقف وانت تمشي بالموتر

كل السالفة انك تجيب قاعدة اريل كنود قديمة لو عندك ومسمار+وردتين+صامولة على مقاس الفتحة الوسطى اللي بقاعدة الكشاف وحاول ما يكون المسمار طويل عشان ما يعيق حركة الكشاف

اولا: تشيل السنه اللي يركب بها الاريل مع سلكها وخل جلدتها لا ترميها بس افتح بها فتحة بالنص
ثانيا: حط المسمار مع وردة من اسفل القاعدة لأعلى
ثالثا: حط الجلدة اللي خلينها فوق القاعدة
رابعا: حط وردة فوق الجلدة
خامسا: حط قاعدة الكشاف بالمسمار واربط عليها بالصامولة

وبكذا نكون انتهينا من تثبيت الكشاف واللحين وقت التجربة

نصيحه:
الكل يحط مفتاح للكشاف يشغله متى ما بغى بدون ما يفصله من الولاعة او البطارية

وبكذا انتهى الموضوع الحمدلله
والله يوفق الجميع