كل طفل ٍ اهله اليا طلـب وفـروا لـه

وفرحة العيد عندي مثل طرف الخجولـه
ولون حزني بعيـدي صابـغ ٍ اغنياتـي

كنت انا مثل صاحي بين نـاس مهبولـه
ما عرفت اتعامـل معهـم الا بسكاتـي

فاقد ٍ شيء يسوى الكون عرضه وطوله
حضن دافي يحسسنـي بكونـي وذاتـي

وكمل اليوم عمري ربع قرن وفصولـه
كلهـا بالخريـف ولا قطفـت ثمراتـي

شاب بالمظهر ولكـن اعيـش بكهولـه
شاب قلبي بعـد مـا شيبـت امنياتـي

حزن عاث بشبابي بين صولـه وجولـه
واحمد اللي عطانـي بالمواقـف ثباتـي

ودام يا صاح باخصني بسـن الطفولـه
ليه تسأل وتبحث فـي خفـا ذكرياتـي