منتدى استراحات زايد - كيكه النمر ((التايجر)) حلوووووووووووووووووووووه

بسم الله الرحمن الرحيم

المقادير:
1خليط الكيط الجاهز بالفانيليا
1خليط الكيك بالشوكولاته
وانا استخدمت خليط بست مكس لأنه سهل الاستخدام ومايحتاج سوى اضاف الماء فقط..لابيض ولا زيت ولاهم يحزنون وانصحكم فيه انا اشتري العبوة الاقتصادية الكبيرة وهذه صورته للي مايعرفه

ولكم الحرية في اختيار النوع اللي تحبون موضروري تستخدمون نفس النوع حقي

مقادير الصوص للكيكة:<<وهنا يكمن السر في التسمية
1-ام نسكافة مذوبة في 3/4 الكاس موية
2-1قشطة+3 جبن كيري+1كريم كراميل>>>يخلط في الخلاط
3-نص كاس صوص توفي
4-بكت كراميل اللي يجي مع الكريمة في البكت وهذه صورته عشان لاتضيعون

نجي للطريقة:
1- سخني الفرن
2-خذي صينية مجوفة وادهنيها بالزيت وبطنيها بالدقيق كالمعتاد في كل الكيكات وهذه صورة الصينية اكيد الكل يستعملها

3-ابدأي بعمل خليط الفانيليا والشوكولاته كل واحد في وعاء لحاله
4-ابدأي بصب ربع مقدار الفانيليا في الصينيه ووزعيه بالملعقة ثم خذي ربع مقدار الشوكولاته وافرديه بخفة فوق الفانيليا وبعدين ارجعي حطي مقدار آخر من الفانيليا ووزعيه وهكذا حتى تنتهي الكمية عشان نحصل على تموج من الداخل..ودخليها الفرن لحد ماتستوي وبعدين طلعيها واقلبيها في صحن دائري كبير واتركيها تبرد شوية
5-خذي مقدار الصوص رقم 1(محلول النسكافة) وصبيه بالملعقة على وجه الكيكة بحيث تشربينها بالمحلول واذا حسيتي الكمية كبيرة وقفي احنا نبغاها تتشرب بطبقة خفيفة مو تغرقينها
6-خذي مقدار صوص رقم 2(اللي خلطتيه في الخلاط) وصبيه بالملعقة على الوجه بالشكل هذا

7-خذي مقدار 3(التوفي)وصبيه على الوجه بنفس الطريقة السابقة بهذا الشكل

8-ناخذ بكت الكراميل ونصبه على وجه الكيكة وجوانبها بشكل دائري عشان يعطينا تموج الوان جلد النمر زي كذا