|
سالفة:عميمتنا ضاعت..قوافي السلام عليكم ورحمة الله وبركاته حياكم الله جميعاً أخواني وأخواتي سالفتنا تصير احيانن مهوب دايم مع الناس لين صارو رايحين رحله بريه او سفر والسيارات واجد والناس تقل ضافين الرياض ورايحين مع بعض مشوار للوناسه.. بطلعه من طلعاتنا لمدة يوم واحد لهيت وجباله المهيبه العظيمه سبحان من اركزها وصفها.. كنا سيارات كثيره ولله الحمد ويكاد من كثرنا هاك اليوم يصير انفجار سياييري.. فينا الكبير والصغير الشايب والشباب الين هنا كلش زين.. معنا عميمتنا الحبيبه طول الله بعمره وفيه معنا حريم كبار غيره اثنين من العائله رحمهم الله..وكعادت الخليقه كل واحد ما يستريح إلا مع اللي يناسبه بالعمر..وبما اننا كنا الصبح مجتمعين ببيت واحد وتوازعنا على السيارات بالرجعه نفس الشي نرجع لنفس البيت ونتفرق لبيوتنا.. قبل المغرب يوم جا موعد الرجعه قالت عميمتي الغاليه :انا بروح مع موتر الفلان عشان اسولف مع فلانه وفلانه نتوانس بالدرب خوذو احد متساني.قلنا إن شاء الله وركبنا وتواسينا ونشدنا عن العميمه حدى البنيات روحي لسيارة الفلان شوفي العميمه ركبت معهم ؟؟؟ راحت ونكست قالت ايه كلهم راكبين وهي معهم ونسينا شي ان الحريم الكبار اللي معنا كلهم ياعمات او خالات او جدات..لان عمتنا حناتصير جدة البنيه وعمته معهم بالسياره وحنا قلنا شوفي عمه ما قلنا اسمه غلطنا صراحه.. اتكلنا على الله ويوم طلعنا على الطريق ومشينا يجيلنا 3 كيلو وقفو يصلون ويتطلقون انكبو او حولو من السيارات إلا العميمه الغاليه مهيب معهم !!وين عمه:eek: وين عمه؟؟؟ العمه مهيب بالسيارات ويركبون سيارتين وطيران بين السماء والارض لا تنهبل الضعيفه بها الجبال لحاله خوف..وان شاء الله مهوب طالعن عليه جن ماشاء عليه ايمانه قوي وتذكرالله قايمتن قاعده هي اللي تخوفهم .. ويوم وصلو الينه صلت المغرب وتسنن وقفو السيارات وقعدو الرجال يارب لك الحمد يارب لك الحمد وولده كبير صاح من فرحة شوفة امه .. عاد العميمه وهي تسنن تقول بصوت عالي : الـــلـــه وأكــبـــر.الــــــــــــــلــــــــــــــــــــه واكــــــــــــــبر وتصفق بيدياته على رجله همن سلمت وما امداهم يقولون شي قالت: عـــــــطـــــــاكــــــــــم العـــــــــــــمـــــــــــــى عميتو عيوني بنوركم استغفر الله العظيم... تحياتي اختكم ..قوافي.. |
| الساعة الآن 10:37 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir