|
استفسارمن اهل الخبره صقاقير مكشات السلام عليكم ورحمة الله وبركاته .... اخواني صقاقير مكشات حبيت استفسر واسأل سوال الطير [ الـتــلاب ] في طير عند واحد من اخوياي فيه الطبع يتلب للصيده لين يفلس السنه هد على حباره بمسافة 500 متر تقريبا والحباره درج مو طايره من فرع عن الطير وشافها هد بس خذى العالي وهو بتجاه للحباره برتفاع مبالغ فيه لدرجة وصل للحباره تخيش وهو فوقها برتفاع عماره 4 طوابق وعقب يروج فوق الحباره برتفاع مبالغ طيرنا الحباره واوما عليها علي طول واخذ يرددها واخذ وقت طويل مع الحباره وللعم انه قادر يطرحها الطير طياره قوي ارتفع معها مرتين فوق وينزلها للقاع وبالنهايه حل عنها والصيده الثانيه الكندره طريقته وطرده لها ماتقول الغشيم لي هديت عليها جاها ولقفها لقفه وحده وعقبها يتحاوم معاها لين يذوب معها مع انه شايخ علي الكندره وقادر عليها ولله هديناه 3 مرات ونفس الحاله لي اختفى مع الكندره بالسمى جذبناه وثالث هدد ضيعناه وسقنا على اليمه يوم زرقت الحمامه جابه الله ولاكن طياره مع القاع معناها حل عنها اما الحمام طرده له ممتاز ويجي دجاج الخيبر المنقط مافي اي خلاف ولاكن مع الحباره والكندره والطير بكر وصقاره العام ماعطى الطير حقه بالمره لدرجة انه يوم نقلنا الطير هالسنه مايعرف غير الملواح وحمام ماداوس صيده كبيره بالقاع بالمره ... واسف علي الاطاله بس حبيت اوضح التفاصيل ليسهل على اخواني الصقاقير التشخيص |
| الساعة الآن 09:45 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir