هـل أنـت عـاطـل ..؟ ومـا عـنـد رأس مـال ..؟ طيب تعال وخلي دخلك الشهري احسن من الموظف
 

السلام عليكم ورحمة الله وبركاته

الله يسعدكم جميعاً نفر نفر

انا اتكلم عن الشباب او الفتيات العاطلين عن العمل الي اعمارهم من 20 الى 30 سنه

البعض عاطل ...!

وما عنده رأس مال ...!

______________________________________

طيب هل سمعت بـ برامج عبداللطيف جميل او صندوق المئوية ..؟

برامج عبداللطيف جميل يدعم مشروعك بـ 100 الف ريال

وصندوق المئوية يدعم مشروعك بمبلغ اقصى شي 150 الف ريال

وتدري وش المطلوب منك ..؟

دراسة جدوى للمشروع الي في بالك + مقابلة شخصية + كفيل حكومي

وتدري متى تسددهم ..؟

بعد 6 شهور من اقامة مشروعك بأقساط ميسره

فيه عندنا شباب وفتيات كثيييييييييييييييييييييييييييير عاطلين

بس مع احترامي ما فيه عقول تفكر الواحد همه وظيفه لو بـ 2000 ريال

طيب اشتغل في مشروعك حقك ملكك وترى تسعة اعشار الرزق في التجاره

واحد من اصحابي فتح مشروع بدعم برامج عبداللطيف جميل مصنع مفروشات وما شاء الله تبارك الله

والله ان دخله احسن من الضابط .

ووحده فتحت مشروع مركز نسائي بدعم عبداللطيف جميل وما شاء الله تبارك الله شغالين من أحسن ما يكون


وانا مو ناقل الموضوع انا شفت المواقف هذي بنفسي ايضا وانا قدمت على مشروع
والمقابله الشخصيه يوم السبت القادم وراح اقول لكم التفاصيل الأخرى بعد المقابله الشخصيه

ترى عندنا بالمملكة فرص ودعم بس

السعوديين مو عارفينها

موقع صندوق المئوية
http://web.tcf.org.sa/new/

موقع برامج عبداللطيف جميل
http://www.aljprog.org/ar/bernameg_a...if/ourprog.asp

والله ما نزلت هذا الموضوع إلا حباً لشباب مملكتنا واطلاعهم على الفرص المتاحه لهم