السلام عليكم ,,
توني ادري ان في قسم لبيع معدات التصوير بمكشات .. :D
هذي الكامكوردر عرضتها بالبوابة الرقمية وقلت دامي مسجل بمكشات نعرضه هنا للفايدة أيضا
الكامكوردر ممتازة جدا لتصوير العواصف .. وهذي احد الاسباب اللي خلتني اشتريها
بس عندي كميرا ثانية ومحتاج آخذ لها عدسات شوي غاليه فقررت ابيع الكامكوردر ..
..

للبيع طقم كامل كامكوردر (فيديو كاميرا) احترافية من كانون موديل Vixia HF G10 + مع الاكسسوارات
وصلتني قبل اسبوعين تقريبا و تم طلبها مع الاكسسوارات من موقع B&H بأمريكا

الكامكوردر هذي جديدة توها نازلة هالسنة من كانون هي مع الـ XA10 واختهم الكبيرة الـ
XF105 واللي يميزها عن غيرها انها تحتوي على نفس الحساس (السنسور) الاحترافي والعدسة
الخيالية اللي موجودة بـ XF105 بس بنفس الوقت حجمها معقول جدا وسعرها خيال مقارنة
بالكبيرة .. يعني لايغرك حجمها الصغير هذي أول كامكوردر احترافية تنزل بالحجم ... !

اللي يفرق بينها وبين اختها الـ XF105 واللي سعرها 15 ألف ريال وممكن اكثر لو تنباع هنا هو
ان الكبيرة فيها أزرار اضافية خارج الكميرا + الكود (صيغة الفيديو) اللي تستخدمه الكميرا يختلف
قليلا والميجابتس أفضل بقليل وبعض المواصفات الاخرى الغير مهمة أو اللي مايحتاجها الا عدد
قليل جدا من المصورين .. بينما الصغيرة تعتمد اعتماد شبه كلي على شاشة لمس حجم 3.5 انش
وشاشتها ممتازة جدا واضحة وكبيرة ..

اللي يحب يتعرف على مواصفاتها الكاملة يدخل هالرابط:
http://usa.canon.com/cusa/consumer/p...Specifications

وهذي نبذه عنها من أحد المواقع العربية للي ماله بالانجلش
http://www.tecani.com/other/fullstory-937.html

أخيرا ,,

بدون حساب قيمة الشحن عليك .. كلفني الشحن 350 - 400 ريال تقريبا من بره

سعر الكميرا لوحدها في وكالة كانون عندنا بالسعودية 5700 ريال .. و كلفتني الكميرا لوحدها
4730 ريال من بره و1280 قيمة الاكسسوارات والمطلوب مثل ماذكرت 5700 لجميع الأغراض

التسليم في القطيف - الدمام أو أي مكان قريب والشحن متاح بشرط تحويل المبلغ اولا ..

- بطاريتين بسعة كبيرة أكبر من اللي تجي مع الكميرا
http://www.bhphotovideo.com/c/produc...n_Battery.html

- شاحن كهرباء للبطاريات (الكام مايجي معاها شاحن لازم تشبك الكيبل فيها عشان تشحن البطارية)
http://www.bhphotovideo.com/c/produc...r_Adapter.html

- شنطة ممتازة جدا عملية وصغيرة من كانون .. كنت خايف انها ماتكفي الكميرا بس ماشاءالله اذا
شفتها بتقول انها مصممة للكام هذي بس .. (طبعا جديدة ماطلعت من البيت الا مرة بس)
http://www.bhphotovideo.com/c/produc...Soft_Case.html

- مضلة للشاشة .. تركبها بالشاشة وتستخدمها بالنهار بأوقات الشمس عشان تشوف الشاشة بوضوح
http://www.bhphotovideo.com/c/produc..._LCD_Hood.html

- فلتر حماية لعدسة الكميرا من شركة B+W المعروفة للفلاتر
http://www.bhphotovideo.com/c/produc...ion_Clear.html

- قلم تش خاص للشاشة عملي جدا ويريحك .. بالذات لما تركب المضلة على الشاشة
تم شراءه مكتبة جرير .. وتلقاه بالصور تحت

- ترايبود صغير من كانون للاستخدام السريع مع الكميرا .. أنا شخصيا استخدم ترايبود كبير مع الكميرات بس الصغير للاستخدام داخل البيت أفضل ,,
http://www.bhphotovideo.com/c/produc..._Tripod_7.html

تحياتي .. والله يوفق الجميع