منتدى استراحات زايد - العلم أو الخبره

السلام عليكم ورحمة الله وبركاته
أصبح وأمسي على جميع إخواني الأعضاء بالخير,, وودي الجميع يشاركني في هالموضوع وإن شاء الله نستفيد جميع من الأخوان اهل الخبره والعلم في مجال الصقاره,, طبعا عمر الطير من الأمور المهمه لدى الصقار وهو أول شئ يسأل عنه ومما عرفناه من تحديد عمر الطير هو بعد أول سنه للطير يسمى قرناس بكر بعدها ثنو ,, ثالث, رابع,,, وعلى هالحال ,,هذا اذا كان الطير مصقور به من هو فرخ يعني راعيه يعرف كم عمر الطير بالتحديد وهنا الموضوع بسيط, يجي بعده اذا كان الطير قرناس خلوي بكر ويسهل تحديد عمر الطير من بقايا ريش الفرخ على اقرب مثال,, بعد كذا يجي دور التخمين والقائم على الخبره في هالموضوع وأنا في رأيي إنه من الصعب تحديد عمر الطير بعد سن البكر,,, بعد هالمقدمه ودي أسأل إخواني :
كم يمكن يوصل عمر الطير؟
كم عمر أكبر طير شفته وهل حدد علميا ام بالخبره ؟
وودي نشوف مشاركات الأخوان وأقارنها بعمر طير جير وحش شفته في مزرعة إنتاج كنديه.
تحياتي للجميع