منتدى استراحات زايد - مشكلة باليوكن 2001 ياطيبين

السلام عليكم
اخواني انا عندي يوكن موديل 2001 فاتحه جديد على يدي من الوكاله ماشاء الله من افضل مايكون والسيرفس اسويه بأنتظام ومسويله دفتر مسجلن فيه تفاصيل السيرفس بالتاريخ والكيلومتر
قبل ستة شهور عيت السياره تشتغل مع العلم ان السلف اوكي وقطرتها لورشة ترايستار ( موقايلن لكم مدللها ) وكانت المشكله فيول بمب اوطرمبة البنزين وتم تغييرها بأصليه سعرها بـ 1000 ريال من محلات المغلوث بالخبر والحمدلله كانت الامور طيبه وعملت تصفيه للسياره بس ماني متأكد من تغيير الفلتر حق البنزين.
الشاهد حاليا قبل اسبوعين السياره عيت تشتغل مع العلم المؤشر فوق الربع بشرطتين وطبعا اول شيئ فكرت فيه هو الطرمبه اللي مغيرها قبل ستة شهور بس قلت يمكن العوامه معلقه المهم صبيت بالتانكي 10 لتر بنزين وبسم الله اشتغلت .
الموضوع تكرر والمؤشر تحت النص بشرطتين ونفس القضيه شوي بنزين اصبهم وتشتغل السياره القضيه ان السياره عند هالمستوى تأخذ باللتر تقريبا الكميه المتبقيه من الخزان ويمتلي
يا اخوان هل ممكن تكون الطرمبه ولو كانت ليه لما اصب بنزين تشتغل السياره لان المفروض السياره تعيي تشتغل بالاساس لو كانت الشغله طرمبة ؟؟
هل ممكن يكون فلتر البنزين وهذا الشيئ انا شاكن فيه اكثر ؟؟
هل ممكن تكون العوامه حقت البنزين معلقه وتعطي قرءه خطأ مع العلم ان لما اعبي بنزين تمتلي السياره بالمعدل اللي باقي بالمؤشر ؟
ملحوظه الشغله تتكرر بالصباح عند اول تشغيله
وشاكرلكم اخواني واحبائي ولو تكرمتوا لاتبخلون علي بالاجابه
محبكم د/ابووليد