السلام عليكم ورحمة الله وبركاته

طبعا في البداية لازم اتفلسف شوية فاعطوني جوي :s

طبعا كلنا ممكن نعاني من مشكلة وهي اللعف وسرعة تعفنه او بالاصح
صعوبة الحفاظ عليه كالجديد بسبب الحرارة وبقاءه لمدة طويلة او محاولة المحافظة عليه
طازة او شبه طازة بدون ما يتعفن خلال الرحلات الطويلة والاوقات الطويلة
واحيانا تكون مشكلة مثلا للاشخاص اللي بعيدين عن البنقلة نبغ اللعف طازة وصعبنفس يوم الرحلة وووووو الخ وانتوا عارفين باقي الكلام

طيب نجي للهرجة اللي ماهي عرجة

قبل فترة طلعت مع العضو القديم في المنتدى الاخ العزيز ابو نوف
وطلع معانا واحد زميله في العمل فلبيني مسلم
طبعا الفلبيني راح اشترى اللعف من اليوم اللي قبله وكان سردين وحبار (بس السردين اللي اشتراه كان كبار لحد انه قطعه شرايح قد الكف - هو في سردين بالحجم هذا ؟؟ردولي بالله )

المهم ايش مسوي الفلبيني

كان حاطط على اللعف ملح كثيييييييييييييييييييييييييير اكثر شي
واحنا عارفين الملح واستعماله في الحفظ من التعفن زي اللحم المقدد والاشياء هذا اللي كانوا يستخدموها قبل الثلاجات

من الاخر ادفن اللعف في الملح
كانت مدة الرحلة يوم كامل في الشعيبة واللعف زي ما هو ولا اتغير عليه شي كانه دوبو جديد
وسالته قد ايش يخليه كانه طازة بدون ما يتاثر جاوبني لمدة اسبوع

حبيت اني اقلكم الطريقة هذي اللي اعتقد انها راح تفيد كثير

وبالتوفيق لكم جميعا ان شاءالله مع اللعف المملح :D

نشوفكم على خير ان شاءالله