السلام عليكم ورحمة الله وبركاته

كيف حالكم ان شاءالله طيبين
اليوم جبت لكم الغاز روعة وصعبة
مايحلها الا الذكي
ورونا ابداعكم وحللو الالغاز التالية :

1



أبا انشد أهل العرف عن عذرا لها قَدْر ومهابه ** ما تَحْمَل وتنفس وربي قد ذكرها في كتابه
تلبس حرير ولبسها بين البشر محدٍ مشى به ** اللغز واضح للجميع ولا يبا جهدٍ كبير
2
أبا انشد أهل العرف عن رَجّال معروف ** يشرب ولا يأكل مع العُرْبان زادي
ماله عيون وله لسان وماله إكفوف ** وِلْيَا هرج ما يفهمه كل العبادي

3
أبا انشد العُرّاف عن بنت وولد ** بنت وولد في راس أبوهم عايشين
يحملهم أبوهم ليا قام وقعد ** والورع يولد قبل أخته ياعارفين
4
وش بنت بين الناس دايم دوم نمسكها بيدها ** عميا ولا تقدر على مر الزمن تمسك ولدها
تدخل على شيخ القبيله عَمْد واكله من بعدها ** ياللي عرفت البنت هذي قلّي من تكون
5
وِشْ رَجْل يا اهل العرف ما يلبس عقال ولا عمامه ** يمشي بلا رجلين من شرق البلاد إلْيا تهامه
ويموت في وَسْط الْبَحَر لكن ما تبلا عظامه ** واللي يحل اللغز أنا بَعْطيه من عندي هدية

-------------------
لاتفحطون بقوقل ^_^ وفروا البنزين ^_^

كل التقدير
ابوبسمة