منتدى استراحات زايد - سالفة :ضبية سلقة ابو عبيد:قوافي

السلام عليكم ورحمة الله وبركاته

صبحكم / مساكم الله بكل خير وسعاده بالدنيا والاخره

اخواني واخواتي وزوارنا الكرام

نكمل معكم سالفه جديده عن ابوعبيد جارنا العزيزراعي الدوج الملطخ.

ابو عبيد من هواة الصيد بالسلق وكانت عنده وحده خصرها تقل دبله وزقمه مسطره واذانه مثولثات ودك تشكهن خروص الماس وعيونه مكحلات بالسواد ولا عندك بازين من منظره وهي واقفه وابو عبيد كل النهار يقصد به قصايد تشق الراس ودايم ام عبيد تقوله هذا عشق!!! يارب لك الحمد انه سلقه مهيب ادميه كان علوم..

كل فتره وفتره يغاب ابو عبيد للصيد بضبيه اسم السلقه والله رهيب..

ولين نكس يحطه بغرفه بالصطح وتخبرون من اول البيوت جدار بجدار ..وله رفيق بالشارع اللي وراهم كل ما دنا راح لمه ومعه ضبيه ..

بيوم ام عبيد فتحت الباب تبي تحط للسلقه تاكل قومي واطمري من جنب ام عبيد ومن جدار سطحهم للي بعده واللي بعده همن طبت بسطح وضاعت عن عين ام عبيد وام عبيد تصوت لأبوعبيد :

ابو عبيد راحت ضبيه!!!!

راحت ضبيه وام عبيد ضايقن صدره وينه وين راحت وابو عبيد مخمر ما قال ولا كلمه ولا كنه سلقته الغاليه؟؟؟؟

استنكرت ابو عبيد وخصوصا انه بدا كل يوم يزود بالتأخير ليمنه راح لصلاة العصر مانكس إلأعقب ساعتين؟؟؟؟؟؟؟

وصت عبيد يتبع ابوه وين يروح

ومشى الولد وراه وهو مايدري لين وصل بيت صديقه وفتح الباب بمفتاح ودخل كأنه بيته..

نكس عبيد وعلم امه قالت تعال ورن البيت مشت وياه لين وصلو وخلت الولد يروح ماوده يشوف شي مهوب زين ويوم طقت الباب ولا ابو عبيد راعي بيت مهوب ضيف وسلقته وراه لسانه مدودل .. قا لت وشلون معك مفتاح دار صديقك تدخل عليهم وانت غريب ووش جاب ضبيه بذا ؟؟؟؟؟

قال :هذا بيت رجل ضبيه والله العظيم حلفان ما تسذبت لا تزاعقين تفضحيننا..

واثر ضبيه مسماة على عروسه الجديده والسلقه تبي البيت عشان العروس تاركته تسرح بالبيت وام عبيد صاكةٍ عليه بالسطح لا تنجسهم وهاذي ضبيه الي كل النهار يقصد به وترد ام عبيد وهي تصب فنجال القهوه لابو عبيد صح لسانك تحسبه سلقته وهي عروسه يا صبر الارض..

تحياتي

اختكم

..قوافي..