منتدى استراحات زايد - المتعارف عليه في فقدان الطير

بسم الله الرحمن الرحيم
امسي على مشرفي واعظاء و زوار هذا المنتدى الشامخ بالخير واتمنى ان يكون الجميع بخير وصحة وعافية . وارجو ان تكون مشاركتي الاولى في هذا المنتدى ذات فائده تعود على الكل بالخير . فأبدا مستعيناً بالله راجياً توفيقه للجميع
لا يخفى على الجميع مقدار الطير عند صاحبه ومحبته عموماً وخصوصاً اذا كان الطير له فعل طيب وطبوعه زينه فهذا يكون اغلى و عند الخليجيين الطير يشارك غلاه غلى العيال لاكن الطير عرضه دائم للضياع من صاحبه ولا يخلو صقار ماحصله فقدان طير . لكن يكون الامل بالله كبير ان الله يعقله أو يطرحه في يد ابن الحلال الي يشود عليه ويرده والحمد لله في الوقت الحاضر كثرت فرصة عودة الطير لصاحبه لوجود الحجل ورقم الهاتف ووجود الشريحة في الطير .
وانا اتسائل عن العرف في فقدان الطير و ( القضابه ) للي يطرح الطير
ومتى يعتبر الطير مفقود !
اوضح اكثر في العام الماضي فقد واحد من الربع طيره طبعا فيه ريشه وحجل لكن لحظات واختفى كل شي وبعد يومين يتصل شخص بالقرب من مكان مضيع الطير ويقول الطير عنده ويبغى القضابه ومنزل الريشه ومبرقع الطير شغلة خبير ويقول لقيته على حمامه قبل يومين في نفس وقت مضيعه عنا ؟ يعني شاف الطير صايد جا وشاله وحنا جايين للطير لاكن فك الريشه وفقدنا كل شي .
واحد اخر في المدعى فقدطيره ومشى على الريشه الى ان وجد سيارة ووقفه ووجد الطير في السيارة
وقبل امس نفس الطريقه مع واحد من الربع الطير يدق على القريب وبلحظه ينقطع كل شي ؟؟

وسؤالي اذا كان الطير فيه ريشه وحروة دعو والا صايد وصاحبه يتتبعه وجايه هل هو مفقود ولازم اشيله واقول رزق جابه الله أو اقضب الطير وانتظر صاحبه وانا في مكاني حتى ينقطع الامل من صاحبه ثم اتصل به؟
وهل تصح القضابه ام لا ؟
وآسف على الإطاله وارجو المشاركة من الجميع لتعم الفائده
وشكراً.